ل سنوورێ قەزا شێخان هژمارهكا پرۆژان د بیاڤێن جۆدا دا د قووناغا بجهئینانێ دانه و نوكه ژی كار ل سهر هندهك ژ وان پرۆژێن دهێته كرن و هندهك ژی هاتینه تهمام كرن.
سەردار شێخ یەحیا، قایمقامێ قەزا شێخان” بۆ ئاژانسا خانی دیار كر: حکومەتا هەرێما کوردستانێ ل سنوورێ قەزا شێخان گهلهك گرنگی ب ئەنجامدانا پڕۆژێن خزمەتگوزارییێ دایە و نوكه ل سنوورێ وێ قەزایێ ب كوژمێ پتر ژ ههشت ملیار دیناران پڕۆژێن خزمەتگوزاری د سێكتهرێن باژێرڤانییێ و چێكرنا رێیان و پرۆژێن ئاڤێ و قێركرنا جادێن ناڤخۆیی و پرۆژێن کارەبێ وەرزش و لاوان و ساخلهمییێ و پەروەردێ پرۆژه دهێنه بجهئینان و هژماران وان ژی 14 پڕۆژەنه و ب كوژمێ 4 ملیار دینارێن دیتر چهندین پرۆژێن دیتر دێ هێنه چێكرن و دیسان ل ڤان نێزیكان ب كوژمێ ههشت ملیار دینارێن دیتر كۆمهكا پرۆژان دێ ل سنوورێ قهزا شێخان هێنه چێكرن.
ناڤهاتی گۆت ژی: ئهو پڕۆژێن کەفتینە د بیاڤێ بجهئینانێ دا” هندهك ژ وان هاتینه تهمام كرن و هندهكێن دیتر کار تێدا یێ بەردەوامە و بڕیارە ل دهمهكێ نێزیک دا کۆمەكا پڕۆژێن دیتر ل سنوورێ قەزا شێخان بهێنه بجهئینان و چیكرنا پرۆژان ل سنوورێ قهزا شێخان د بهردهوامن.
