<h3 style="text-align: justify;"><span style="font-size: 18pt;">هێنرى كێسنجه‌ر وه‌زیرێ پێشتر یێ ده‌رڤه‌یێ ئه‌مریكا دژییی 100 سالییێدا ل مالا خوه وه‌غه‌ركر.</span></h3> <h3 style="text-align: justify;"><span style="font-size: 18pt;">كه‌سوكارێن كێسنجه‌رى ل سپێده‌هییا ئه‌ڤرۆ نووچه‌یێ وه‌غه‌ركرنا وى به‌لاڤكر لێ ئه‌گه‌رێن گیان ژ ده‌ستدانێ دیارنه‌كرن.</span></h3> <h3 style="text-align: justify;"><span style="font-size: 18pt;">كێسنجه‌ر ئه‌و سیاسه‌تمه‌داره‌بوو یێ كو د ئێك ده‌مدا خه‌لاتێ نۆبل یێ ئاشتییێ وه‌رگرتى، هاتییه ئیدانه‌كرن كو تاوانبارێ جه‌نگییه.</span></h3> <h3 style="text-align: justify;"><span style="font-size: 18pt;">كێسنجه‌رى ژبلى كو د دوو سه‌رۆكایه‌تییێن ئه‌مریكا دا پۆستێن بلند هه‌بوون، پشكدارى دبه‌هرا پترا كۆمبوونێن كۆچكا سپیدا كرییه و چه‌ندین په‌رتۆك ل دۆر شێوازێ سه‌ركردایه‌تیكرنێ نڤێسینه.</span></h3> <h3 style="text-align: justify;"><span style="font-size: 18pt;">كێسنجه‌ر ل 27ى گۆلانا 1923ێ ل ئه‌لمانیا د مالباته‌كا جۆیدا ژ دایكبوو و ئێك ژ قورتالبوویێن ده‌ستێ نازییایه، ل سالێن 1973ێ بۆ 1977ێ ل سه‌رده‌مێ هه‌ردوو سه‌رۆكێن پێشتر یێن ئه‌مریكا ریچارد نیكسن و جێرالد فۆردى، وه‌زیرێ ده‌رڤه یێ ئه‌مریكا بوو.</span></h3> <h3 style="text-align: justify;"><span style="font-size: 18pt;">هاتییه نیاسین ده‌ست، دگه‌ل هندێ هه‌بوو كو ئه‌مریكا به‌رامبه‌ر چینێ بهێته ڤه‌كرن، هه‌روه‌سا سه‌رپه‌رشتییا دانوستاندنێن وه‌لاتێ خوه دگه‌ل ئێكه‌تییا سوڤیه‌ت ل سه‌ر ده‌مێ شه‌رێ ساردا كرییه، ب ئه‌ندازیارێ به‌رفره‌هبوون و ب هێزبوونا په‌یوه‌ندییێن ئه‌مریكا دگه‌ل ئیسرائیلێ و رێككه‌ڤتنا پاریسێ دگه‌ل ڤێتنامێ دهێته دیتن.</span></h3>
