<h3 style="text-align: justify;"><span style="font-size: 18pt;">یانهیا ئالبدێر دخۆلا نایابا عیراقێ یا كچاندا یا پشكداره، دهستهیا وێ یا ڕاهێنهرییێ و ههموو یاریكهرێن وێ كوردن، بریاره سوبههى یارییا خوه یا ئێكێ د خۆلێدا بهرامبهر یانهیا ئهمانهت بهغداد بكهت.</span></h3> <h3 style="text-align: justify;"><span style="font-size: 18pt;">خهیرى ئهحمهد سهلیم راهێنهرێ كوردێ یانهیا ئالبدێر بۆ ئاژانسا خانى دیاركر، ستافێ ڕاهێنهرییا تیمێ ژ سێ كهسان پێك دهێت و ههمووژى خهلكێ باژێرێ دهۆكێنه، ههروهسا 20 یاریكهر د تیمێدا ههنه و ههمووژى خهلكێ دهۆك، زاخۆ، شێخان، خانكێ، شاریا و شنگالێنه و گوت : ل پار سال وى تیمهكا فوتسالێ بۆ ئالبدێر دروست كر، ئهڤساله یانهیێ دڤیا پشكدارییێ دخۆلا 11 یاریكهریدا بكهت، دشیاندانهبوو تیم تمام بییت، ویژى پێشنیازكر كو تیمهكێ ب یاریكهرێن كورد پێكبینیت، لێ ب وى مهرجى كو یاریگهها زانكۆیا دهۆكێ ببیته یاریگهها تیمێ و یارییێن ل یاریگهها خوه ل زانكۆیا دهۆكێ بكهن، ژبهركو یانهیا ئالبدێر سهر ب پارێزگهها دیوانییه ڤهیه و گهلهك ژ دهۆكێ یا دووره.</span></h3> <h3 style="text-align: justify;"><span style="font-size: 18pt;">زێدهتر ئاشكراكر، پێنج یاریكهرێن ههلبژارتییێ پێگههشتییێ عیراقێ دناڤ تیما ویدا ههنه، ئهوژى مهروه چیان، ههیفا، مینا سهرحان، ئهلماس حاجى و دلپاك، ئاشكرا ژى كر، چ یانهیێن كورد خوه ل یاریكهرێن كورد نهكرییه خۆدان، نوكه ههموو یاریكهرین كورد یارییێ بۆ یانهیێن عهرهبى دكهن، ئهگهر پشتهڤانى ههبا دا تیمێن باش بۆ كوردان هێنه پێكئینان.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، كارگێرییا تیمێ دگهل وان گهلهك یا هاریكاره، سوبههى ئهو دێ یارییا خوه یا ئێكێ دخۆلێدا ل دهمژمێر ئێكى نیڤرۆ ل یاریگهها زانكۆیا دهۆكێ دگهل یانهیا ئهمانهت بهغداد كهن.</span></h3>
