ئه‌ندامه‌كێ لیژنا سه‌ركردایه‌تى یا پارتیا زحمه‌تكێشێن كوردستانێ ل كه‌ركووكێ راگه‌هاند، پارتێن سیاسى ل كوردستانێ به‌رهه‌ڤن هه‌لبژارتنێن په‌رله‌مانى د وى ده‌مى دا بكه‌ن كو ره‌وش یا باش بیت ب تایبه‌ت وان ده‌ڤه‌رێن دناڤبه‌را هه‌ولێرێ و به‌غدا دا ناكوكى ل سه‌ر هه‌ین.
شوان محه‌مه‌د، ئه‌ندامێ لیژنا سه‌ركردایه‌تیا زه‌حمه‌تكێشان د پرێسكونفرانسه‌كى دا دیاركر، هه‌تا نها لایه‌نێن سیاسى به‌رهه‌ڤیان دكه‌ن بۆ هه‌لبژارتنان و یێ بزاڤان دكه‌ن كو ره‌وش بهێته كونترۆلكرن و خۆگونجاندن دگه‌ل هه‌ر پێشهاته‌كا ژ كومسیونا بلندا سه‌ربه‌خۆیا هه‌لبژارتنان ده‌ربكه‌ڤیت، پارتێن كوردستانى ژى ب هه‌موو شیانان كاردكه‌ن كو بریارێن وان د چوارچووڤێ ده‌ستوورى و قانوونێ و كومسیونا هه‌لبژرتنان دا بیت.
ئاماژه ب وێ چه‌ندێ ژى كر، ئالیێن سیاسى هه‌موو به‌رهه‌ڤن بۆ هه‌ر پێشهاته‌كێ، هه‌ر بریاره‌كا ژ كومیسیۆنێ ل دۆر ده‌مێ هه‌لبژارتنان ده‌ردكه‌ڤیت و دبیت ژى ره‌وشا نه‌ئاسایی و له‌شكه‌رى ل كه‌ركووكێ به‌رى هه‌لبژارتنان ب داوى بهێن.
