<h3 style="text-align: justify;"><span style="font-size: 18pt;">پهیڤدارا كۆمیسیۆنا بلندا سهربهخۆ یا ههلبژارتنێن عیراقێ ڕاگههاند، پشكهك ژ رێكارێن ههلبژارتنێن پهرلهمانێ كوردستانێ تمامبوویه، بۆ رێكارێن دیژى چاڤهرێیى بودجهینه، كو ل دووڤ ئاخڤتنێن وێ 70 ملیار دینارن و دبێژیت ژى: بهلاڤكرنا كورسییێن پیكهاتهیان دێ ب وى شێوهى بیت یێ هاتییه پێشنیازكرن.</span></h3> <h3 style="text-align: justify;"><span style="font-size: 18pt;">جومانه غهلاى، پهیڤدارا كۆمیسیۆنا بلندا سهربهخۆ یا ههلبژارتنێن عیراقێ دیاركر، ئهو چ كاران بێى قانوون ناكهن، ئهوان ب بوچوونا خوه كورسییێن پێكهاتهیێن كوردستانێ بهلاڤنهكرینه، ل دووڤ كۆمیسیۆنێ دێ دوو كورسى بۆ توركمانان ل ههولێرێ، دوو ل سلێمانییێ و ئێك ل دهۆكێ بن، ههروهسا دوو كورسى بۆ كلدان سریان ئاشوورى ل پارێزگههێن ههولێر و سلێمانییێ و ئێك كورسى ل دهۆكێ بن، ژبلى وان كورسییهك ژى دێ بۆ ئهرمهنان بیت.</span></h3> <h3 style="text-align: justify;"><span style="font-size: 18pt;">سهبارهت ههلبژارتنێن پهرلهمانێ كوردستانێ كو بریاره ل ڕۆژا 25ى شۆباتا 2024ێ بهێنهكرن گوت : وان چهند رێكار بۆ ههلبژارتنێن پهرلهمانێ كوردستانێ گرتینه بهر، بابهت پێدڤى ب دابینكرنا بودجهییه كو 70 ملیار دینارن، ئهوان چهندین سیستهمێن تایبهت ل دۆر ههلبژارتنێن كوردستانێ ههنه، ژ وان ژى سیستهمێ چاڤدێریكرنا ههلبژارتنان و پشكدارییا دهزگههێن میدیایێ و چهند بابهتێن دى.</span></h3>
