ئاژانسا خانی:
كارۆخ خۆشناو” نوونه‌رێ سه‌رۆكاتیا هه‌رێما كوردستانێ” ده‌رباره‌یی گێرانا كۆنفرانسێ ره‌ڤه‌ندا كوردی دا ل وه‌لاتێ له‌نده‌ن” بۆ ئاژانسا خانی دیار كر: ل زانكۆیا میدلسیكس ل سه‌ر پێشنیارا نڤێسینگه‌ها دیاسپۆرا ل باره‌گایێ بارزانی ل له‌نده‌ن كۆنفرانسه‌كێ زانستی هاته گێران” ئه‌و كۆنفرانسه ژ لایی چار زانكۆیێن هاته ئه‌نجامدان” ئه‌و ژی زانكۆیا كوردستان ل هه‌ولیرێ” زانكۆیا میدلسیكس ل بریتانیا” ڤییه‌نا و ناكازاكییا ژاپۆنی) هاتبوو رێكخستن بۆ دانانا بناغه‌كێ زانستی و دروست بۆ دامه‌زراندنا ره‌ڤه‌ندا كوردی” دوی كۆنفرانسی دا شاره‌زا و بسپۆرێن بیاڤێ ره‌ڤه‌ندان و به‌رپرس و سه‌رپه‌رشتكارێن ره‌ڤه‌ندێن وه‌لاتان و گه‌لێ بێ ده‌وله‌ت ئه‌ندامێن په‌رله‌مانێ بریتانیا پشكدار ببوون” ژ وان ژی وه‌زیرێ ره‌ڤه‌ندا ئه‌رمه‌نی” نوونه‌ری ره‌ڤه‌ندا یۆنانی وهندی و تامیلی” به‌رپرسێ ره‌ڤه‌ندا كه‌ته‌لۆنی و سكۆتله‌ندی و باسكی و مامۆستایێن زانكۆیا ئۆكسفۆرد و میدلسیكس یا بریتانی.
ناڤهاتی گۆت ژی: د وی كۆنفرانسی دا زێده‌باری پێدانا پێشنیار و به‌حسكرنا ئه‌زموونێن خۆ هه‌موویان به‌رهه‌ڤییبا خۆ بۆ سه‌رخستنا به‌رنامێ سه‌رۆك بارزانی بۆ دامه‌زراندنا ره‌ڤه‌نده‌كا كوردستانی یا ئێكگرتی ده‌ربری” هه‌روه‌سا كوردێن هه‌رچار پارچین كوردستانێ پشكداری د وی كۆنفرانسی دا كرییه” مه‌ره‌م ژێ ئه‌و بوویه” كو ئه‌م ژی وه‌كو كورد مفایی ژ ره‌ڤه‌ندا كوردی ل ده‌رڤه‌یی وه‌لاتی ببینن و بشێن لۆبیه‌كێ بهێز دروست بكه‌ین و مه دڤێت دۆزا كوردی بگه‌هینینه هه‌موو خه‌لكێ جیهانێ و د هه‌مان ده‌مدا ب رێیا وی لۆبی گڤاشتنێ ل سه‌ر وه‌لاتێن بیانی دروست بكه‌ن ژ پێخه‌مه‌ت پشته‌ڤانییێ ل گه‌لێ كوردستانێ بكه‌ن.
د وی كۆنفرانسی دا هه‌ر ئێك ژ هێمن هه‌ورامی ئه‌ندامێ مه‌كته‌با سیاسییا پارتی دیموكراتی كوردستان و سه‌فین دزه‌یی به‌رپرسێ فه‌رمانگه‌ها په‌یوه‌ندییێن ده‌رڤه یێن حكومه‌تا هه‌رێما كوردستانێ و كارۆخ خۆشناو نوونه‌رێ سه‌رۆكاتیا هه‌رێما كوردستانێ پشكدار ببوون.
