زارۆكهكێ كوردێ ڕۆژئاڤایێ كوردستانێ خهلاتێ ئێكێ یێ قارهمانییا جودۆیێ ل ئهلمانیا ب دهستڤه بر.
ئالان عومهر فهواز یێ بهرنیاس ب ( ئالان كۆبانی) یێ 11 سالی، خهلاتێ ئێكێ یێ قارهمانییا جودۆیێ ل پارێزگهها باكوورێ راینی یێ وهلاتێ ئهلمانیا ب دهستڤهبر.
عومهر فهوازبابێ ئالانی ڕاگههاند، كورێ وی چهندین ههیڤ بوو ئامادهكاری بۆ یارییێ دكرن، شیا ل ههموو ههڤركییان ب سهركهڤیت و پلا ئێكێ ب دهستڤه ببهت.
بابێ وی دیاركر، جارا ئیكێ نینه ئالان خهلاتێ ئێكێ یێ قارهمانییا جودۆیێ ب دهستڤه دبهت، وهك ئهو دبێژیت: ماوێ چار سالانه كورێ وی دهست ب یارییێ كری، ل سالا 2020ێ وی دهمی ژییێ وی 8 سال بوون، پلا سیێ ل سهر ئاستێ ئۆكرانیا ب دهستڤه بربوو.
ئالان كۆبانی، ڕۆژانه راهێنانان ل سهر یارییێ دكهت داكو پتر شیناێنن خۆ پێشڤهببهت، داكو پشكدارییێ د ههموو قارهمانییێن ئهلمانیادا بكهت.
عومهر فهواز، ئاكنجیێن باژێرێ كۆبانێ ل رۆژئاڤایێ كوردستانێ بوون، ل سالا 2011ێ پشتی شهرێ نافخۆی یێ سووریا چووینه ئۆكرانیا، ئالان ل وێرێ ژدایكبوو، چهند ساله هاتینه ئهلمانییا و پهنابهرن.
