رێڤه‌به‌رێ راگه‌هاندنا كۆمیسیۆنا بلندا هه‌لبژارتنێن عێراقێ دیاركر، هه‌موو بهرههڤی بۆ ئه‌نجامدانا هه‌لبژارتنێن جڤاتێن پارێزگه‌هان ته‌مام بووینه و هه‌لبژارتن د ده‌مێ خۆ دا دێ هێنه كرن.
عیماد جه‌میل، ئه‌ڤرۆ چارشه‌مبی 6 ی كانوونا ئیكێ 2023 ێ راگه‌هاند، كۆمیسیۆنا بلندا هه‌لبژارتنێن عێراقێ كاردكه‌ت بۆ هندێ كو هه‌لبژارتنێن جڤاتێن پارێزگه‌هان ل ده‌مێ خۆدا بهێنه ئه‌نجامدان.
گۆت ژی، هه‌موو بهرههڤی بۆ هه‌لبژارتنان هاتینه كرن، د راهێنان پێكرنا فه‌رمانبه‌ران و كادران، ژ بلی به‌هه‌ڤییێن هونه‌ری و ئامرێن تایبه‌تێن ده‌نگدان ل بنگه‌هاندا، هه‌روه‌سا راهێنان پێكرنا فه‌رمانبه‌ران لسه‌ر ئه‌وان كامیرێن چاڤدێرییا هه‌لبژارتنان دكه‌ن و 214 هزار و 595 کارمەند دێ وێ پرۆسێ برێڤه‌به‌ن.
