مەلا رێبەر نێروەیی، ڕێڤەبەرێ حەج و عومرێ ل پارێزگەها دهۆكێ بۆ ئاژانسا خانی راگەهاند، د ئەڤێ هەیڤێدا بەری سالا نوی دێ تیروپشكا ناڤێن حەجییێن سالا 2024ێ ل ڕێڤەبەرییا گشتییا حەج و عومرێ ل هەولێرێ هێتە كرن.
ڕێڤەبەریا گشتییا حەج و عومرێ یا هەرێما كوردستانێ یا سەر ب وەزارەتا ئەوقاف و كاروبارێن ئاینی ئەڤرۆ د ڕاگەهاندنەكێدا دیاركریە، كو بەردەوام كار ل سەر ئامادەكرنا ئەنجامێن تیروپشكێ و ڕاگەهاندنا ناڤێن حەجیێن ئەڤسالە دكەین و د ماوێ دوو حەفتێن بهێتدا ب شێوەیەكێ شەفاف و دادپەروه‌رانە دێ ئەنجامێن ئه‌ڤێ پڕوسەیێ هێنە بەلاڤكرن.
هەروەسا لدووڤ ئامارێن ڕێڤەبەرییا حەج و عومرێ ل پارێزگەها دهۆكێ، نێزیكی نەهـ هزار كەسان ل دهۆكێ ناڤێن خۆ بۆ حەجێ نڤێساینە.
دهێتە زانین، وەزارەتا ئەوقاف و كاروبارێن ئاینی هەژمارا حەجیێن هەرێما كوردستانێ بۆ سالا 2024 دیركریه كو 4678 حەجی نە ، 60% ژ ئه‌وان وەلاتییێن ل سالا 2017 ناڤێن خۆ نڤێسین ،40% وەلاتییێن ئەڤسالە نە،و 100 كورسی بۆ كەسوكارێن شەهیدان داناینە.
