د. خالد ڕێكانى ئه‌ندامێ جڤاتا نوونه‌رێن عیراقێ ڕاگه‌هاند، سكالایا په‌رله‌مانتار و ئه‌ندامێ لژنه‌یا داراییا په‌رله‌مانى ب دژى وان بانكێن قه‌ر داینه هه‌رێما كوردستانێ، ب تنێ بۆ بانگه‌شه‌یا هه‌لبژارتنایه.
یووسف کیلابی، ئەندامێ پەرلەمانێ عیراقێ ل سەر ئه‌كاونتێ خوه یێ ئێکس ( تویته‌رێ پێشتر ) نڤیسیە، دێ سکالایێ ل سەر ڕێڤەبەر و جڤاتێن وان بەنکان تۆمارکەت، یێن پارە ب قەر و دژی قانوونێ داینە حکومەتا هەرێما کوردستانێ، كو ب دیتنا كیلابى، حکومەتا هەرێما کوردستانێ پێگری ب قانوونا بودجه‌ى نه‌كرییه و دێ سکالایێ ل سەر بەنکان تۆمار کەت.
د. خالد ڕێكانى ئه‌ندامێ جڤاتا نوونه‌رێن عیراقێ ل سه‌ر فراكسیۆنا پارتى دیموكراتى كوردستان بۆ ئاژانسا خانى دیاركر، قه‌ركرنا پاره‌ى ژ بانكان مافێ هه‌رێما كوردستانێیه و كه‌س نه‌شێت سكالایێ ب دژى ڤێ چه‌ندێ تۆماربكه‌ت، ئاخڤتنێن یووسف كیلابى ب تنێ بۆ ڕاگه‌هاندنێنه و بانگه‌شه‌یه‌كه بۆ هه‌لبژارتنانان و سكالایا وى سه‌رناگریت.
