د پەیاما سەرۆكێ هەرێمێ دا هاتییە: سالڤەگەرا 71 سالییا دامەزراندنا ئێكەتییا ئافرەتێن كوردستانێ ب گەرمی ل هەمی ئافرەتێن كوردستانێ پیرۆزدكەم. خەبات و قۆربانیدان و تێكۆشانا وان ل پێناڤی پاراستنا مافێن ئافرەتان و ئازادی و یەكسانییێ، ب ڕێز و پێزانین ڤە د هەلسەنگینم و هیڤییا سەركەفتن و بەردەوامیدانێ بۆ دخوازم.
ئێكەتییا ئافرەتێن كوردستانێ وەك ڕێكخراوەكا پێشەنگ یا پاراستن و داكۆكیكرنێ ژ مافێن ئافرەتان، د هەردوو سەردەمێن شۆڕەش و ئازادییێ دا، ڕۆلەكێ دیار د خەباتا مەدەنی یا كۆمەلگەها كوردستانێ دا گێڕایە. زێدەباری پارێزگاریكرنێ ل مافێن ئافرەتان، ب سەدان ئافرەتێن خۆدان شیان د هەمی بواراندا و چەندین كادر و سەركردە ژی پێگەهاندینە و د هەمی لایەنێن ژیانێ دا خزمەتا وەلاتی دكەن.
كۆمەلگەهەكا ڤەكری و ئازاد و پێشكەفتی یا مەدەنی، بێ ئازادییا ئافرەتێ و مسۆگەركرنا هەمی مافێن وێ، ناهێتە دیتن. بوویە د ڤێ بیرەوەرییێ دا هەمی پشتەڤانییەكێ ل خەباتا ئافرەتان دووپاتدكەم. بلا ئێكەتییا ئافرەتێن كوردستانێ و هەمی ڕێكخراوێن ژنان ل كوردستانێ د پشتڕاستبن كو دێ هەردەم ل پێناڤی مافێن وان، هاریكار و پشتەڤان بم.
