<h3 style="text-align: justify;"><span style="font-size: 18pt;">ڕێڤه‌به‌رێ ژمێریارییێ زانكۆیا دهۆكێ ڕاگه‌هاند، بانكا دهۆكێ ئه‌ڤرۆ ده‌رماله‌یێن هه‌یڤا ئه‌یلوولا 222ێ یا خوێندكاران خه‌رجكرن و سوبه‌هى دێ ده‌ست ب به‌لاڤكرنا وان ب سه‌ر قوتابیاندا هێته‌كرن.</span></h3> <h3 style="text-align: justify;"><span style="font-size: 18pt;">مه‌ران فندى ڕێڤه‌به‌رێ ژمێریارییێ زانكۆیا دهۆكێ بۆ ئاژانسا خانى دیاركر، سوبه‌هى ده‌رماله‌یێن خوێندكاران یێن هه‌یڤا ئه‌یلوولا 2022ێ كو 560 ملیۆن دینارن دێ هێنه به‌لاڤكرن.</span></h3> <h3 style="text-align: justify;"><span style="font-size: 18pt;">ئاشكرا ژى كر، 10 ده‌رماله ل زانكۆیا وان نه‌هاتبوونه به‌لاڤكرن كو یێن هه‌یڤێن 11،10،9 و12 یێن سالا 2022ێ و شه‌ش هه‌یڤێن ئه‌ڤساله ژى بوون، ئه‌وان بۆ به‌لاڤكرنێ داخوازا حه‌فت ملیار و 500 ملیۆن دیناران كربوو، لێ ب تنێ پاره بۆ ده‌رماله‌یێن هه‌یڤا نه‌هـ یا پارسال هاتنه خه‌رجكرن، هه‌ر ده‌مێ پاره هه‌بوو دێ ده‌رماله‌یێن هه‌یڤا 10 ژى هێنه خه‌رجكرن.</span></h3> <h3 style="text-align: justify;"><span style="font-size: 18pt;">زانكۆیا دهۆكێ نێزیكى 23 هزار خوێندكاران هه‌نه و پشته‌ڤانییا دارایى بۆ خوێندكارێن ناڤ باژێرى 40 هزار دینارن و بۆ یێن ژ ده‌رڤه‌ى باژێرى 60 هزار دینارن.</span></h3>
