ڕێڤه‌به‌رێ گشتییێ ژێده‌رێن ئاڤێ: مه‌ترسی ل سه‌ر ژێده‌رێن ئاڤێ ل هه‌رێما كوردستانێ هه‌یه‌

ڕێڤه‌به‌رێ گشتییێ ژێده‌رێن ئاڤێ ل هه‌رێما كوردستانێ دیاركر، ژبه‌ر گوهۆرینا سه‌قای مه‌ترسی ل سه‌ر ژێده‌رێن ئاڤێ ل هه‌رێما كوردستانێ هه‌یه‌.

د. كاروان سه‌باح هه‌ورامی، ڕێڤه‌به‌رێ گشتییێ ئاڤێ ڕاگه‌هاند، هشكه‌ سالییێ گه‌له‌ك جۆر هه‌نه‌، وه‌ك هشكه‌ سالییا هایدرۆلۆجی، هشكه‌سالییا كێمبوونا ئاڤێ، كو چه‌ند ساله‌ ئه‌م دناڤ گۆهورینێن ساقای داینه‌ و تێدا هشكه‌ سالی گه‌له‌ك دووباره ‌دبیت.

گۆت ژی: د 20 سالێن بووریدا هشكه‌ سالی زێده‌بوویه‌، ب گشتی ئاڤ كێمبوویه‌، پشكه‌كێ په‌یوه‌ندی ب گوهۆرینێن ئاڤ و هه‌وای ڤه‌ هه‌یه‌، پشكه‌كا دی په‌یوه‌ندی ب دخوازی و خواستا وه‌لاتییان بۆ ئاڤێ هه‌یه‌، هه‌روه‌سا په‌یوه‌ندی ب پرۆژه‌یێن وه‌لاتێن جیران ڤه‌ هه‌یه‌، ب گشتی كه‌رتێ ئاڤێ پێدڤی ب گرنگیدانه‌كا زێده‌ هه‌یه‌.

د. کاروان سەباح راگه‌هاند ژی، ب گشتی مه‌ترسی ل سه‌ر ژێده‌رێن ئاڤێ ل هه‌رێما كوردستانێ هه‌یه‌، ئه‌و ژی ژبه‌ر گوهۆرینا سه‌قاییه‌ و كارتێكرنه‌كا زێده‌ ل سه‌ر ژێده‌رێن ئاڤێ هه‌یه‌ و كێمبووینه‌، د ده‌مه‌كیدا داخوازی و ژمارا وه‌لاتییان به‌ره‌ڤ زێده‌بوونێیه‌.