مەسرور بارزانى، سهرۆكێ حكومهتا ههرێما كوردستانێ، پێشوازی ل ڤیكتۆریا نۆلان، جێگرا وهزیرێ دهرڤهیێ ئهمریكا بۆ كاروبارێن سیاسی و شاندێ دگهلدا كر.
دكۆمبوونێدا ئهلینا ڕۆمانووسكی، بالیۆزا ئهمریكا ل عیراقێ ئامادهبوو، هزر و بیر دهربارهی دووماهی گوهۆرین و پێشهاتێن ڕهوشا عیراقێ و دهڤهرێ و پێشڤهبرنا پەیوەندییێن دوولایەنە هاتنه لێك گۆهارتن.
تهوهرهكێ سهرهكییێ كۆمبوونێ، تایبهت بوو ب پێدڤییا چارهسهركرنا ئاریشێن دناڤبهرا ههرێما كوردستانێ و حكومهتا فیدارالدا، ههردوو لا دههڤرابوون كو پێدڤییه حكومهتا فیدرال رێزێ ل مافێن دهستۆرییێن ههرێما كوردستانێ بگریت و نابیت بهغدا وهك وهلاتییهكێ پله دوو ڕهفتارێ دگهل خهلكێ ههرێما كوردستانێ بكهت.
سهرۆكێ حكومهتێ دووپاتی ل سهر گرنگی و بهێزكرنا سیستهمێ فیدرالی و مۆكومكرنا بنهمایێن دیموكراتییهتێ ل عیراقێ كر.
