دكۆمبوونێدا كو بالیۆزا ئهمریكا ل عیراقێ و كونسۆلێ گشتییێ ئهمریكا ل ههرێما كوردستانێ و ژمارهیهكا دیپلۆماتكاران تێدا د ئامادهبوون، پهیوهندییێن ئهمریكا دگهل عیراقێ و ههرێما كوردستانێ، ڕهوشا سیاسى و ئهمنیییا عیراقێ، پهیوهندییێن ههولێر – بهغدا و ڕهوشا ناڤخۆیا ههرێما كوردستانێ هاتنه گوتوبێژكرن.
ههردوو لایهنان دووپاتى ل گرنگییا پاراستنا ئاسایش و سلامهتییا هنارتییێن دیپلۆماتیكى و هێزێن ئهمریكا و ههڤپهیمانان ل عیراقێ كر، دڤى بیاڤیدا د ههڤرابوون كو دڤێت لایهنێن پهیوهندیدارێن عیراقێ ڕێكارێن پێدڤى بۆ ڕاوهستاندنا وان هێرشان بگرنهبهر.
دهربارهى ڕهوشا ناڤخۆ یا ههرێما كوردستانێ ژى، ههردوو لایهنان تهبایى و لێكتێگههشتنا لایهنێن سیاسى ب تایبهتى پارتى و ئێكهتییێ ل ههرێما كوردستانێ و ل سهر ئاستێ عیراقێ ب پێدڤى زانى، دڤى بیاڤیدا سهرۆك نێچیرڤان بارزانى ئاماژه ب لێكتێگههشتن و باشبوونا پهیوهندییان كر.
ههلبژارتنێن جڤاتێن پارێزگههێن عیراقێ، ڕهوشا دهڤهرێ ب گشتى، دووماهى پێشهاتهیێن ڕۆژههلاتا ناڤین، پێشهاتهیێن شهرى ل غهززه و چهند بابهتێن دییێن جهێ گرنگیدانا ههڤپشك تهوهرهكێ دییێ كۆمبوونێ بوون.
