ڕێڤهبهرێ حهج و عومرهیا ههرێما كوردستانێ خهرجییێن حهجكرنێ ل سالا بهێت و داهاتێ ڕێڤهبهرییا وان ژ پركرنا فۆرمان ئاشكراكرن.
نیاز نهقشبهندى ڕێڤهبهرێ حهج و عومرهیا ههرێما كوردستانێ ڕاگههاند، ل سالا 2024ێ بهایێ حهجێ ب ڕییا ئاسمانى 4800 دۆلارن و ب ڕێیا هشكاتى 4000 دۆلارن.
دیار ژى كر، ڕێڤهبهرییا وان ژ داهاتێ پركرنا فۆرمێن وهلاتییان ملیارهك و 400 ملیۆن دینار خستینه سهر خهرجییێن حهجێ بۆ هندێ بها زێدهتر نهبن.
ئهڤساله بۆ حهجێ 56 هزار و 669 كهسان ناڤێ خوه نڤیسیبوو كو ههر كهسهكێ ل دهمێ پركرنا فۆرما حهجێ 25 هزار دینار ژێ دهاتنه وهرگرتن، داهاتێ ڕێڤهبهرییا حهج و عومرهیا ههرێما كوردستانێ ب تنێ ب ڕێیا پركرنا فۆرما حهجێ ملیارهك و 400 ملیۆن دیناربوون.
