ئەڤڕۆ دوشەمبی فراكسیۆنا پارتی دیموکراتی کوردستان ل پەرلەمانێ عێراقێ، بەیاننامەك بهلاڤكر و گۆت: “فراکسیۆنا پارتی دیموکراتی کوردستان ل جڤاتا نوونەرێن عێراقێ، ب توندی ئیدانا ئەوان هێرش و کریارێن تیرۆرستی كر، كو ب دو فڕۆکێن بێفڕۆکەڤان بنگهههكێ هێزێن پێشمەرگەیێن قارەمان ل باکوورێ هەولێرێ کرییە ئارمانج و زیانێن دارایی لێ کەفتینە.”
گۆت ژی: “دوبارەبوونا ئەڤان هێرشێن تیرۆرستی بۆ سەر هەرێما کوردستانێ ژلایێن گرووپێن ژ یاسایێ دەرچوویی، ب كارهكێ نه قهبوولكری و پێشهاتێن مەترسیدار دهێته دانان، کو ئاسایش و سەقامگیرییا هەرێما کوردستانێ و سلامەتییا وهلاتییان دكهتە ئارمانج، هەروەسا ئاماژەیە بۆ لاوازییەکا مهزن بۆ حکومەتا فیدرالی د مامەڵەکرنا جددی و ئێکلاکەر ل گەل ئەڤان گرووپان، کو پشتهڤانییا دارایی بۆ دهێته دابین كرن و دهێنه چەکدار کرن ژلایێ ئەوان لایەنێن کو نهڤێت سەقامگیری ل عێراقێدا ب گشتی هەبیت.”
فراكسیۆنا پارتی ل پەرلەمانێ عێراقێ داخوازێ ژ فەرماندێ گشتییێ هێزێن چەکدار دكهت: گاڤێن ب لهز بهاڤێژیت، ئەو گرووپێن ژ یاسایێ دەرچووین و ئەوێن هاوکارییا وان دکەن ڕابگریت و لێپرسینێ ل گهل وان بكهت، وان ڕووبروو یاسایێ بکهت، کاری بۆ کۆنترۆڵکرنا ئهسمانێ عێراقێ بکهت، لێکۆلینێ بکهت ل جهێ ئاڕاستەکرنا ئەوان فڕۆکێن بۆمبڕێژکری و شێوازێ ئینانا وان و ئەو لایەنێن کو گرووپێن ژ یاسایێ دەركهفتین ب ڤان فڕۆکان پڕچەک دکەن.”
ههروهسا گۆتییه: “ھەرێما کوردستانێ ب سەرسەختی دێ مینیت بەرامبەر وان کەسێن بزاڤا تێکدانا ئاسایش و سەقامگیرییێ ددەن و مەترسییێ ل سەر سلامەتییا وهلاتییان دروست دکەن، ئەڤ بزاڤێن بێهیڤی و بەدبەخت بۆ تێکدانا ئاسایش و سەقامگیرییا هەرێما کوردستانا پڕشکۆ، سەرکەفتی نابن.
