<h3 style="text-align: justify;"><span style="font-size: 18pt;">كۆمیسیۆنا بلندا سهربهخۆ یا ههلبژارتنێن عیراقێ ڕاگههاند، كۆما ئێكێ یا تانهیان ڕهوانه دهستهیا دادوهرى هاتییه كرن، دێ دماوێ سێ ڕۆژاندا بهرسڤا ههموو تانهیان ڕهوانهى دهستهیێ هێتهكرن.</span></h3> <h3 style="text-align: justify;"><span style="font-size: 18pt;">عهلى فهیسهل سكرتێرێ گشتییێ جڤاتا كۆمیسیارێن كۆمیسیۆنا بلندا سهربهخۆ یا ههلبژارتنێن عیراقێ د ڕاگههاندنهكێدا ئاماژه ب هندێ كر، كۆما ئێكێ یا بهرسڤێن سكالایێن دژى ئهنجامێن ههلبژارتنێن جڤاتێن پارێزگههان ڕهوانهى دهستهیا دادوهرییا وى وهلاتى هاتییه كرن.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن وى بهرپرسێ كۆمیسیۆنێ، 329 سكالا ژلایێ حزب و لایهنێن سیاسیڤه ب دژى پرۆسهیا ههلبژارتنێن جڤاتێن پارێزگههێن عیراقێ هاتینه تۆماركرن، ئهو پێشبینى دكهن، دماوێ سێ ڕۆژێن بهێندا بهرسڤا ههموو سكالایان بدهن و ڕهوانه دهستهیا دادوهرییێ بكهن.</span></h3>
