<h3 style="text-align: justify;"><span style="font-size: 18pt;">بریاره ل ڕۆژا ئێكشه‌مبییا بهێت شاندێ حكومه‌تا هه‌رێما كوردستانێ ل به‌غدا دگه‌ل شاندێ حكومه‌تا فیدرالییا عیراقێ كۆمبیت.</span></h3> <h3 style="text-align: justify;"><span style="font-size: 18pt;">د. خه‌لیل غازى دوسكى ئه‌ندامێ لژنه‌یا داراییا په‌رله‌مانێ عیراقێ بۆ ئاژانسا خانى دیاركر، ل ڕۆژا شه‌مبییا بهێت شاندێ حكومه‌تا هه‌رێما كوردستانێ دێ به‌ره‌ڤ به‌غداڤه چیت، ل ڕۆژا ئێكشه‌مبى 7-1-2024ێ دگه‌ل شاندێ حكومه‌تا فیدرالى كۆمبیت.</span></h3> <h3 style="text-align: justify;"><span style="font-size: 18pt;">ئاشكرا ژى كر، كۆمبوون دێ ل دۆر بابه‌تێن هه‌لاویستى یێن دناڤبه‌را هه‌ردوو لایه‌ناندا و ڕاستڤه‌كرنا چه‌ند برگه‌یێن قانوونا بودجه‌یا عیراقێ ژ وانا برگه‌یا 11ێ و مووچه‌یێ فه‌رمانبه‌رێن هه‌رێما كوردستانێ و هه‌ڤبه‌ستێ كۆمپانییێن په‌ترۆلێ بیت.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ئه‌ڤ كۆمبوونه یا گرنگه، بابه‌تێ سه‌ره‌كى دێ مووچه‌یێ فه‌رمانبه‌رێن هه‌رێما كوردستانێ بیت، هه‌روه‌سا دێ گوتوبێژ ل دۆر داخوازى و تێبینییێن شاندێ حكومه‌تا عیراقێ هێنه‌كرن، گه‌شبینییه‌ك هه‌یه كو ڕێككه‌ڤتن دناڤبه‌را هه‌ردوو لایاندا بهێته‌كرن.</span></h3>
