جڤاتا كۆمەلەیێن خۆدان پێدڤییێن تایبەت هەمی فەرمانبەرێن كێم ئەندام و خۆدان پێدڤیێن تایبەت ئاگەهدار دكەت، كو پێدڤییە فۆرمە بهێتە داگرتن دا كو بزانن ئەوێن مووچەیی وەردگرن د ژیانێدا ماینە یان نە چونكی هەنە د ژیانێدا نەماینە و مووچەیی وەردگرن.
دلشاد خۆشناو. سەرۆكێ جڤاتا كۆمەلەیێن خودان پێدڤییێن تایبەت ئەڤڕۆ ڕاگەهاند ، هەمی كێم ئەندام و كورتەبالا و خودان پێدڤییێن تایبەت ئەوێن مووچەیی وەردگرن پێدڤییە ل ڕۆژا ئێكشەمبی 07-01-2024 سەرەدانا ڕێڤەبەرییا تۆڕا پاراستنا كۆمەلایەتی بكەن بۆ داگرتنا فۆرمێ و زانیارییان لدۆر ئەو كەسێن د ژیانێدا ماین.
ناڤبری دیاركریە ژی، كو فۆرمە ژ دیوانا چاڤدێرییا داراییا عیراقێ هاتیە و دیوانا چاڤدێرییا هەرێما كوردستانێ بۆ وەزارەتا كار و كاروبارێن كۆمەلایەتی هنارتیە و هەروەسا 15 ڕۆژ مۆلەت وەرگرتیە بۆ داگرتنا فۆرمێ و پێدڤییە هەمی كێم ئەندام و خۆدان پێدڤیێن تایبەت فۆرمی دا گرن.
