سیپان شێروانی: كۆمبوونێن په‌رله‌مانێ عێراقێ دێ ده‌ستپێكه‌نه‌ڤه‌

ئاژانسا خانی:

سیپان شێروانی” ئه‌ندامێ په‌رله‌مانێ عیراقێ ژ فراکسیۆنا پارتی دیموکراتی کوردستان بۆ ئاژانسا خانی دیار كر: دانوستاندن دناڤبه‌را ھەرێما کوردستانێ و  حكومه‌تاعێراقێ ده‌ربارەیی ئامادەکرنا پڕۆژەكێ بۆ ھەموارکرنا یاسایێ بودجەیی د بەردەوامن و نوكه‌ شاندێ حكومه‌تا هه‌رێما كوردستانێ ژی ل به‌غدایه‌ و دێ چه‌ندین دانوستاندن ل گه‌ل و حكومه‌تا عیراقێ ئه‌نجام ده‌ن” هه‌روه‌سا مه‌ دڤێت هه‌مواركرنا یاسایێ بودجەیی ژ پێخه‌مه‌تی چارەسەرکرنا کێشێن دارایی یێن هەرێما کوردستانێ بیت

ناڤهاتی گۆت ژی: ل رۆژا سێشه‌مبی 9 كانوونا دووێ 2024 ێ”  وەرزێ نوو یێ یاسا دانانا پەرلەمانی دێ دەستپێكه‌ت و دێ بێهنڤه‌دانا په‌رله‌مانێ ب دووماهی هێت” هه‌ر چه‌نده‌ هه‌تا نوكه‌ ژڤانی كۆمبوونا په‌رله‌مانی نه‌هاتییه‌ دیار كرن” به‌لێ دێ كارێن لژنێن په‌رله‌مانی ده‌ستپێكه‌نه‌ڤه‌” نوكه‌ ئه‌م ڤاڤه‌ریی هندێنه‌ كو كۆمبوونا په‌رله‌مانی بهێته‌ ده‌ست نیشانكرن و سه‌رۆكه‌ك بۆ په‌رله‌مانی بهێته‌ دیار كرن” نوكه‌ لێكتێگه‌هشتنه‌ك ل گه‌ل لایه‌نێن سوننی و شیعی هه‌یه بۆ هه‌مواركرنا بودجه‌یێ گشتی یی عێراقێ بۆ سالا 2024 ێ” دیسان بابه‌تێ هه‌مواركرنا بودجه‌یی ژی نوكه‌ ل جڤاتا وه‌زیرانه‌ و ئه‌م چاڤه‌رێنه‌ بگه‌هیته‌ په‌رله‌مانی.

سیپانی گۆت ژی: ئه‌م هه‌موو بزاڤان دكه‌ین” كو حكومه‌تا عیراقێ مووچه‌یێ فه‌رمانبه‌رێن هه‌رێما كوردستانێ د ده‌مێ خۆدا بهنێریت و ئێدی مووچه‌یێ فه‌رمانبه‌ران نه‌هێته‌ گیروكرن.