ئاژانسا خانی:
په‌یڤدارێ وەزارەتا چاندنێ دیار كر: نوكه به‌رهه‌ڤی بۆ ھنارتنا ھێك و مریشکێن کوردستانێ بۆ بازارێن جیھانی دهێنه كرن” ب تایبه‌تی بۆ وه‌لاتێ ئیماراتێ و وه‌لاتێن دیتر یێن كه‌نداڤی و ئه‌م ب هیڤینه ئه‌ڤ ساله به‌رهه‌مێ وان ڤرێكه‌ینه ده‌رڤه‌یی وه‌لاتی.
ھیوا عەلی، زێده‌تر بۆ ئاژانسا خانی گۆت: نوكه ل بازارێ ھەرێما کوردستانێ ڕۆژانە مه پێدڤی ب حەفت ھزار کارتۆنێن ھێكان هه‌نه، بەلێ بەرھەمێ رۆژانە ل کێلگه‌هان ڕۆژانە چاردە ھزار کارتۆنن و حەفت ھزار کارتۆن ژ بازاری د زێده‌نه” هه‌روه‌سا سالانە ھەرێما کوردستانێ پێدڤی ب ١٤٧ ھزار ته‌نێن گوشتێ مریشكان هه‌یه، هه‌روه‌سا بەرھەمێ سالانه یێ گوشتێ مریشكان دگه‌هیته ٢٨٥ ھزار ته‌نان، سالانە ١٣٥ ھزار ته‌نێن گوشتێ مریشكان یێ زێده‌یه ژ بازارێ ناڤخۆیی.
ھیوا عەلی گۆت ژی: نوكه ل هەرێما کوردستانێ ھزار و ٥٣٥ پڕۆژێن بەرھەمئینانا مریشکێن گوشتی ھەنە، پشكه‌كا بەرھەمێ ھێك و مریشکێن کوردستانێ دچنه ناڤەراست و باشوورێ عێراقێ، دیسان پلانا حکومەتا ھەرێما کوردستانێ ژی ئەوە بازاری بۆ بەرھەمێ ناڤخۆیی پەیدا بکەت.
