ل ههرێما كوردستانێ زێدهتر ژ 32 هزار كۆمپانییان هاتینه تۆماركرن، ژ وێ ژمارێ ژى سێ هزار و 362 كۆمپانى د بیانینه.
دكابینهیا نههێ یا حكومهتا ههرێما كوردستانێدا تۆماركرنا كۆمپانییان بوویه سیستهمێ ئهلیكترۆنى و خهرجییێن دامهزراندنا كۆمپانییان ژى ب ڕێژهیا 80%ێ هاتینه كێمكرن، ئهڤهژى بوویه ئهگهر ڕێژهیهكا زێدهتر یا كۆمپانییێن بیانى بهرهڤ ههرێما كوردستانێ بهێن. ڕێڤهبهرێ كۆمپانییهكا توركى ل ههرێمێ دیاركر، كارگهها وان چهندین جۆرێن پێدڤییێن بیناسازییێ بهرههم دئینیت، حكومهتا ههرێما كوردستانێ ئاسانكارییێن مهزن كرینه داكو كۆمپانییێن بیانى ل ههرێما كوردستانێ بهرههمێن خوه دروست بكهن.
بلند محهمهد ڕێڤهبهرێ گشتییێ تۆمارا كۆمپانییان ل ههرێما كوردستانێ ڕاگههاند، كۆمپانییێن بیانى ل ههرێما كوردستانێ دبوارێن جۆدا دا كار دكهن، وهكو چاندن، پهترۆل، وهبهرهێنان و رێك و پران، سهرمایێ وان ژ 500 هزار ههتا ئێك ملیۆن دۆلارایه، كو مفایهكێ مهزن بۆ ڕهخساندنا دهرفهتێن كارى ل ههرێما كوردستانێ ههیه.
ل دووڤ ئامارێن ڕێڤهبهرییا گشتییا تۆمارا كۆمپانییان، دكابینهیا نههێ یا حكومهتا ههرێما كوردستانێدا 10 هزار و 510 كۆمپانى هاتینه تۆماركرن، ب گشتى 32 هزار و 166 كۆمپانى ل ههرێما كوردستانێ ههنه، كو 28 هزار و 804 كۆمپانى یێن ناڤخۆنه و سێ هزار و 362 ژى كۆمپانییێن بیانینه.
