<h3 style="text-align: justify;"><span style="font-size: 18pt;">بریاره ئهڤرۆ كۆمبوونا جڤاتا نوونهرێن عیراقێ بۆ ههلبژارتنا سهرۆكێ نوو یێ جڤاتا نوونهران بهێتهكرن، چار كهس بۆ وهرگرتنا ڤى پۆستى هاتینه پێشنیازكرن.</span></h3> <h3 style="text-align: justify;"><span style="font-size: 18pt;">د. خهلیل غازى ئهندامێ جڤاتا نوونهرێن عیراقێ بۆ ئاژانسا خانى ئاشكراكر، ئهڤرۆ ئێڤارى كۆمبوونا پهرلهمانى بۆ ههلبژارتنا سهرۆكێ نوو دێ هێتهكرن، چار كاندیدێن سهرهكى ههنه، ئهوژى مهحموود مهشههدانى كو بههرا پتر لایهنێن شیعى پشتهڤانییێ لێ دكهن، شهعلان ئهلكهریم یێ حزبا تهقهدوم، سالم عیسا یێ حزبا عهزم، ههروهسا تهلال زهوبهعى كو بهربژارهكێ سوننه یێ سهربهخۆیه، ئهو دێ دهنگێ خوه دهنه وى كهسى یێ بههرا پترا لایهنێن سوننى دگهلبن.</span></h3> <h3 style="text-align: justify;"><span style="font-size: 18pt;">ژلایهكێ دیڤه و سهبارهت مووچهیێ فهرمانبهرێن ههرێما كوردستانێ و بودجهیا گشتییا عیراقێ دیاركر، ڕێككهڤتنهكا دهستپێكى دناڤبهرا حكومهتا ههرێما كوردستانێ و حكومهتا فیدرالیدا بۆ ڕاستڤهكرنا قانوونا بودجهیى ب تایبهت ئهو ماددهیێن گرێداى ههرێما كوردستانێ ههیه، دكۆمبوونا بهێت یا جڤاتا وهزیرێن عیراقێدا، هندهك پێشنیاز دێ ڕهوانه جڤاتا نوونهران هێنهكرن، ل ڤان نێزیكان پێشنیاز دێ بۆ پهرلهمانى هێنه هنارتن و ل وێرێ دێ ل دووڤ ڕێككهڤتنان دهنگدان ل سهر هێتهكرن.</span></h3>
