نێچیرڤان بارزانى سه‌رۆكێ هه‌رێما كوردستانێ ل به‌غدا د دیداره‌كێدا دگه‌ل حه‌یده‌ر عه‌بادى سه‌رۆكێ هه‌ڤپه‌یمانییا نه‌سر، هزر و بیر ل دۆر ڕه‌وشا گشتییا عیراقێ و په‌یوه‌ندییێن هه‌ولێر – به‌غدا لێكگۆهارتن، تیشك خسته سه‌ر دووماهى پێشهاتێن ده‌ڤه‌رێ.
هه‌ردوو لایان داكۆكى ل پێدڤییا پاراستنا عیراقێ ژ زیانێن ڕه‌وشا ئالوزا ده‌ڤه‌رێ و گرنگییا هاریكارییا لایه‌نێن سیاسى و پێكهاته‌یێن عیراقێ بۆ ده‌ربازكرنا ناكۆكییان و چاره‌سه‌ركرنا ئاریشه‌یان ب دانوستاندن و لێكتێگه‌هشتنێ كر، هه‌روه‌سا هه‌ڤرابوون كو نابیت وه‌لاتى ب ژیان و گوزه‌رانییا خوه باجا ئاریشه‌یێن سیاسى بده‌ن.
گوتوبێژكرنا مه‌ترسییێن تیرۆرێ و گه‌فێن داعشێ ل سه‌ر ئارامى و سه‌قامگێرییا وه‌لاتى ته‌وه‌ره‌كێ دییێ دیدارێ بوو.
