لژنه‌كا په‌رله‌مانێ عیراقێ دێ لێكۆلینێ د بوردۆمانا سوپایێ ئیرانێ دا بۆ سه‌ر هه‌ولێرێ كه‌ت

ئاژانسا خانی :

جێگرێ سەرۆکێ لژنا ئاسایش و بەرگرییێ ل پەرلەمانێ عێراقێ دیاركر: لژنه‌‌ك كو ژ ھەشت پەرلەمانتارێن عێراقی پێکھاتییە كو  چار ژ وان په‌رله‌مانتاران كوردن” دێ لێكۆلینێ د بۆردومانا سوپایێ پاسدارێن ئیرانێ بۆ سەر ھەرێما کوردستانێ كه‌ن، بریاره‌ سوبه‌هی ئێكشه‌مبی ئه‌و لژنه‌ سەره‌دانا جهێ روودانا ھەولێرێ بکەت و راپۆرته‌كێ ل دۆر وێ بۆردومانێ به‌رهه‌ڤ بكه‌ن و دێ ڕاستییێن وێ بۆردومانێ بۆ رایا گشتی ئاشكرا کەن.

سەگڤان سندی، زێده‌تر بۆ ئاژانسا خانی گۆت: پەرلەمانێ عێراقێ لژنەك پێکئینایە ژ ھەشت ئەندامێن لژنا ئاسایش و بەرگرییێ کو نوونەرێن پرانییا فراکسیۆنێن په‌رله‌مانێ عیراقێ دناڤدانە، ئه‌و لژنه‌ دێ سه‌ره‌دانا هه‌ولێرێ و وێ مالا هاتییه‌ بۆردوكان كرن كه‌ت، یاكو ژ لایێ سوپایێ پاسدارێن ئیرانێڤە هاتییه‌ بۆردومان کرن، ئه‌و لژنه‌ دێ راپۆرته‌كێ به‌رهه‌ڤ كه‌ت و دێ بۆ ھەموو ئالییان ئاشکرا كه‌ت” كو ئه‌و جهێ ئیرانێ بۆردومان کری، مالا وه‌لاتییەکێ سڤیلە و خەلكێ بێتاوان هاتینه‌ شەھید کرن”.

ناڤهاتی گۆت ژی: سوبەهی ئێكشه‌مبی 21 ی كانوونا دووێ 2024 ێ” ئه‌و لژنا په‌رله‌مانێ عیراقێ دێ سەره‌دانا ھەولێرێ كه‌ت و دێ چنه‌ جهێ وێ بۆردومانێ و دێ راپۆرته‌كێ به‌رهه‌ڤ كه‌ن، پاشی دێ وێ راپۆرتێ ده‌نه‌ سەرۆکاتییا پەرلەمانێ عێراقێ، بۆ هندێ بێخنه‌ بەرنامێ کارێ کۆمبوونێن پەرلەمانێ و پاشی دێ دانوستاندن ل سه‌ر هێته‌ كرن و لدووڤ دێ بریار ل سه‌ر هێته‌دان ” چونكی ئەو جهێ هاتییه‌ بۆردومان کرن” مالا وه‌لاتییه‌كێ سڤیلە و ئه‌و كه‌سێ شه‌هیدبوویی بازرگانە و پەیوەندی ب چ کارێن دیترڤه‌ نینە، دیسان پێدڤییە ھەموو خەلک راستییان بزانن.