خه‌لكێ عێراقێ ب هاشتاگێ (خلیها- تخیس) بایكۆتا كه‌لوپه‌لێن ئیرانی راگەهاند

كارڤه‌دانا وه‌لاتییێن هەرێما كوردستانێ و عێراقێ ل دژی هێرشێن مووشەكی یێن ئیرانێ بۆ سەر خەلمێ سڤیل یێن هەولێرێ د بەردەوامن، كو چه‌ند وه‌لاتی شەهید و بریندار بووینه‌.

خه‌لكێ پارێزگه‌هێن ناڤه‌راست و ژێرییا عێراقێ، ملبملێ وه‌لاتییێن هەرێما كوردستانێ دەنگێن خۆ بلندكرینه‌ بۆ بایكۆتكرنا كرینا كه‌لوپه‌لێن ئیرانی، یێن كو ل بازارێن هەرێما كوردستانێ و عێراقێ هەین.

ل ڤان رۆژێن بوری، خه‌لكێ عیراقێ ل تۆرێن جڤاكی ب هاشتاگێ (خلیها – تخیس) پشكدارییەكا به‌رفره‌هـ ل دژی كرینا كه‌لوپه‌لێن ئیرانی ل بازارێن عێراقێ دەست پێكرییە، ئەڤه‌ ژی وەكو كارڤه‌دانەكێیه‌ ل دژی هێرشێن مووشەكی یێن ئیرانێ بۆ سەر هەولێرێ.