په‌بجى، فیلێ شین و مه‌ریه‌م دناڤ وان یارییێن ئه‌لكترۆنیدانه، یێن وه‌زاره‌تا ناڤخۆیا عیراقێ دێ بكارئینانا وان سنووردار كه‌ت، ب بهانه‌یا هندێ كو ئه‌و یارییه پشته‌ڤانییا توندوتیژییێ دكه‌ن و پاره‌ى دهنێرنه ژده‌رڤه.
وه‌زاره‌تا ناڤخۆ یا عیراقێ ده‌ست ب ئاماده‌كرنا چه‌ند ڕێكاران بۆ سنوورداركرن و كێمكرنا هنده‌ك یارییێن ئه‌لكترۆنى و قه‌ده‌غه‌كرنا هنده‌كێن دى كر.
عه‌مید مه‌سنوور عه‌لى سوولتان بریارده‌رێ لژنه‌یا نیشتیمانییا رێكخستنا چه‌كى ل وه‌زاره‌تا ناڤخۆیا عیراقێ ڕاگه‌هاند، چه‌ند رێكار بۆ كێمكرن و سنوورداركرنا بكارئینانا هنده‌ك یارییێن ئه‌لكترۆنى دهێنه ئاماده‌كرن، ئه‌و ڕێكاره دێ تایبه‌ت بۆ وان یارییان بن یێن گه‌له‌ك توندوتیژی تێدا دهێته بكارئینان، وه‌كو په‌بجى، مه‌ریه‌م و فیلێ شین.
