خانی نیوز، قائید میرۆ:
پەیڤدارێ وەزارەتا بازرگانی و پیشەسازی یا حكومه‌تا هه‌رێما كوردستانێ راگه‌هاند، بڕیارە ھژمارەکا دەڤەرێن پیشەسازی و کارگەھێن ژناڤبرنا گلێشی ل ھەرێما کوردستانێ بھێنە ڤەکرن، ڤەکرنا وان پرۆژان ژى دێ كارتێكرن ل سەر دەلیڤێن کاری ھەبیت.
فەتحی محەمەد، پەیڤدارێ وەزارەتا پیشەسازی و بازرگانی بۆ دهۆك نیوز دیارکر، حکومەتا ھەرێما کوردستانێ چەندین پلان ھەنە بۆ گەشەکرنا ژێرخانا ئابوورى و ھژمارەکا پڕۆژان د پلانێ دانە بۆ وێ یه‌كێ ژلایێ کەرتێ تایبەت و کۆمپانیا دھێنە بجهـ ئینان، ژبه‌ركو حکومەت بخوه ئەوان پڕۆژان بجهـ ناهینیت، بەلکو پێشنیار دکەت بۆ کەرتێ تایبەت و رۆلێ سەرەکی ژلایێ کەرتێ تایبەتڤە دھێتە دیتن، نوکە کار بۆ دامەزراندنا ھژمارەکا دەڤەرێن پیشەسازی دھێتەکرن ل سەرانسەری ھەرێما کوردستانێو دێ دەلیڤێن کارى په‌یدا كه‌ن.
فەتحی محەمەد ئاماژەکر” حکومەتا ھەرێمێ ل بەره ھژمارەکا کارگەھێن سەردەمیانە بھێنە ڤەکرن بۆ ژناڤبرنا گلێشی، کو ئەو کارگەهـ دێ ب شێوەیەکێ ستانداردێ جیھانێ کارێ پاقژکرنێ كه‌ن و ھەموو کرش و گلێشێ ب رێیا ئەڤان کارگەھان دھێتە کۆمکرن دێ ھێنە چارەسەرکرن، ڤێجا چو دوبارە بھێتە بکارئینان وەکی کەرەستە یان ژی بشێوەیەکێ زانستی ژناڤببەن، پڕۆژێ کارگەھێن ژناڤبرنا گلێشی دەستپێکێ ل ھەولێرێ دێ ھێتە دانان.
ھژمارەک کارگەھێن ژناڤبرنا گلێشی دێ ھێنە ڤەکرن
