ب هەلکەفتا هتانا جەژنا چلێ زڤستانێ کو هەموو کەسایەتیێن ئۆلی یێن جڤاکێ ئێزدی ل ڤی دەمی ب ڕۆژی دبن ل دڕێژیا چل ڕۆژاندە،له‌وا ئه‌م بناڤێ ڕێڤه‌به‌رييا گشتييا كاروبارێن ئێزديان جوانترین و گەرمترین پیرۆزباهیان ئاڕاستەی جەنابێ میر و سەماحەتا بابێ شێخ و جڤاتا رۆحانی و تەڤایا چلەگرا و کەسایەتیێن ئۆلا ئێزدیان دکەین.
هیڤیدارین ژ ئەزدایێ دلۆڤان ئەڤ جەژنە ببتە جەژنا خێر و خۆشیێ وهێڤێنێ ئاشتیێ و پێکڤەژیانێ ژ بۆ جڤاکێ ئێزدی و تەڤایا گەلێ کوردستاتێ ب هەموو پێکهاتێن خۆ ڤە وکوردستان هەردەم ئارام و سەقامگیر بت و ل جەژنێن بێت ئەو هەموو دایک و خویشکێن مە یێن ماینە د گرتیگەهێن زولم و زۆرداریێ دناڤ دەستێن تیرۆرستێن بێ وژدان دە ڤەگەرێنە باوەشا خێزان و کەسوکارێن خۆ.
جاره‌كا دی جه‌ژنا چلێ زڤستانێ ل تەڤایا جڤاکێ ئێزدی پیرۆزبت و هه‌ر سال ب خێر و خۆشى بت.
سعود مستۆ نجم
ڕێڤه‌به‌رێ گشتى يێ كاروبارێن ئێزديان
1ى سباتێ 2024ێ
