كۆمبوونا هه‌ڤپشكا مه‌كته‌بێن سیاییێن پارتى دیموكراتى كوردستان و ئێكه‌تى نیشتیمانى كوردستان ل ده‌باشان هاته‌كرن و دبێژن: هه‌ردوو لایه‌ن ل سه‌ر سێ خالێن سه‌ره‌كى هه‌ڤرابوون، هه‌ردوو لایه‌ن كۆكبوون كو دڤێ قۆناغێدا بۆ به‌رژه‌وه‌ندییا وه‌لاتییێن پارێزگه‌ها كه‌ركووكێ ب هه‌موو پێكهاته‌یێن وێڤه، پارێزگاره‌كێ كورد بۆ خزمه‌تكرنا خه‌لكێ باژێرى و هه‌موو باژێركان بهێته ده‌ستنیشانكرن.
ده‌قێ ڕاگه‌هاندنا هه‌ڤپشكا پارتى و ئێكه‌تییێ:
كۆمبوونا هه‌ڤپشكا هه‌ردوو مه‌كته‌بێن سیاسییێن پارتى و ئێكه‌تییێ ل ده‌باشان هاته‌كرن.
دكۆمبوونیدا پشتى هه‌لسه‌نگاند و دانوستاندن ل سه‌ر ڕه‌وشا سیاسیى و ئابوورییا هه‌رێمێ و ئاریشه‌یێن نه‌چاره‌سه‌ركرییێن دگه‌ل حكومه‌تا فیدرالى، بودجه و ژیان و مووچه‌یێ فه‌رمانبه‌ران،هه‌لبژارتنێن جڤاتا پارێزگه‌ها كه‌ركووكێ هاتینه كرن، هه‌روه‌سا پشتى هزر و بیر هاتینه لێكگۆهارتن و به‌رژه‌وه‌ندییا بلندا نه‌ته‌وه‌یى و نیشتیمانى به‌رچاڤ هاتییه وه‌رگرتن، هه‌ردوو لایه‌ن ل سه‌ر ئه‌ڤان سێ خالان ڕیككه‌ڤتن:
1 – هه‌ردوو لا كۆكبوون كو دڤێ قۆناغێدا بۆ به‌رژه‌وه‌ندییا وه‌لاتییێن پارێزگه‌ها كه‌ركووكێ ب هه‌موو پێكهاته‌یێن وێڤه، پارێزگاره‌كێ كورد بۆ خزمه‌تكرنا خه‌لكێ باژێرى و هه‌موو باژێركان بهێته ده‌ستنیشانكرن.
2 – هه‌ردوو للایه‌ن كۆكبوون ل سه‌ر ئێكه‌تى و پارتى و هه‌موو لایه‌نێن كوردستانێ ئه‌ركه كو قه‌واره‌یێ هه‌رێمێ بپارێزن و پارێزگارییێ ل ده‌ستكه‌ڤتێن شۆره‌ش و خه‌بات و خوینا شه‌هیدێن كوردستانێ بكه‌ن.
3 – بۆ چاره‌سه‌ركرنا ئاریشه‌یێن سیاسى و ئابوورییێن هه‌رێمێ دگه‌ل حكومه‌تا فیدرالى، هه‌ردوو لایه‌ن ل ئاسته‌كێ بلند پێكڤه بزاڤێن چاره‌سه‌ركرنا ئاریشه‌یان ب گشتى و ژیان و خزمه‌تگوزارییان و بودجه و مووچه‌یى ب تایبه‌تى بده‌ن.
