مەسرور بارزانى، سه‌رۆكێ حکومەتا هه‌رێما كوردستانێ ئەڤرۆ ڕۆژا چارشەمبی پێشوازى ل یاشار گولەر، وەزیرێ بەرگرییا توركیا و شاندێ دگەلدا كر.
د ڕاگەهاندنا حكومەتا هەرێما كوردستانێدا هاتییە؛ د كۆمبوونێدا دانوستاندن ل دۆر ڕەوشا گشتییا عیراقێ و گرنگیدانا پەیوەندییێن دوو لایەنی هاتەكرن، دووپات ل گرنگییا بەردەوامبوونا هەماهەنگی و هاریكارییا هەڤبەش ل پێناڤ ئاسایش و ئارامییا هەرێما كوردستان و عیراق و دەڤەرێ كر.
هەروەسا دیاركر، وەزیرێ بەرگرییا توركیا پرس و هەڤخەمییا خۆ بۆ گیان ژدەستدانا قوربانییێن هێرشا هەولێرێ دیاركر و ئاماژە ب هندێ دا كو ئەڤێ هێرشێ چ هێجەتەك نەبوویە.
مەسرور بارزانی خواستا هەرێما كوردستانێ بۆ پێشڤەبرن ب پەیوەندییا دوو لایەنی ل سەر بنەمایێ جیرانێن باش و بەرژەوەندییا هەڤبەش دووپاتكر، و گۆت ژی؛ هەرێما كوردستانێ وەك هەردەم فاكتەرەكێ ئاسایش و سەقامگێریێ بیت و ڕێكێ نادەت ببیتە جهێ هێرش و مەترسییێ بۆ جیرانان.
گرنگییا بجهئینانا ڕێككەڤتنا شنگال و ئاسایكرنا ڕەوشا دەڤەرێ و ڤەگەڕیانا ئاوارەیان بۆ جهێن وان تەوەرەكێ دی یێ دانوستاندنێ بوو.
