سه‌رۆك بارزانى پێشوازى ل وه‌زیرێ به‌رگرییا توركیا كر، ڕه‌وشا سیاسییا ده‌ڤه‌رێ و دووماهى پێشهاتێن ڕۆژهه‌لاتا ناڤین و گه‌فێن تیرۆرێ دگه‌لدا گوتوبێژكرن.
سه‌رۆك مه‌سعوود بارزانى ل پیرمام پێشوازى ل یه‌شار گوله‌ر وه‌زیرێ به‌رگرییا توركیا و شاندێ دگه‌لدا كر، كو شاندێ توركیا ژ مه‌تین گوران سوپاسالارێ توركیا، عه‌لى ڕه‌زا گونه‌ى بالیۆزێ توركیا ل عیراقێ و ژماره‌یه‌كا به‌رپرسێن سیاسى و له‌شكه‌رییێن توركیا پێكهاتبوو.
ل دووڤ ڕاگه‌هاندنا باره‌گایێ بارزانى، د دیدارا واندا هزر و بیر ل دۆر ڕه‌وشا سیاسییا ده‌ڤه‌رێ و دووماهى پێشهاتێن ڕۆژهه‌لاتا ناڤین و گه‌فێن تیرۆرێ و په‌یوه‌ندییێن دناڤبه‌را عیراقێ و هه‌رێما كوردستانێ و وه‌لاتێ توركیادا هاتنه لێكگۆهارتن.
هه‌روه‌سا دووپاتى ل هه‌ماهه‌نگییا دناڤبه‌را توركیا و عیراقێ و هه‌رێما كوردستانێدا ژ پێخه‌مه‌ت به‌رده‌ستكرنا سه‌قامگێرییێ و گه‌شكرنا كارێ هه‌ڤپشك هاته‌كرن.
په‌یوه‌ندییێن دناڤبه‌را هه‌رێما كوردستانێ و توركیادا و پێشڤه‌چوونا ئه‌وان په‌یوه‌ندییان ته‌وه‌ره‌كێ دییێ وێ كۆمبوونێ بوو.
