دەستەیا سەربەخۆ یا مافێ مرۆڤی دژایەتییا خۆ بۆ وان جۆرە لێدوانان دەردبریت” یێن كو سفکاتییێ ب ئایینێن جۆدا دکەن” داخواز ژ سەرۆکاتییا داواکارێ گشتییێ هەرێما کوردستانێ دكهت ڕێکارێن یاسایی بەرامبەر ئەوان کەسان بگریتەبەر یێن كو سفکاتییێ ب ئایینێ ئیسلامێ دكهن.
ئەڤرۆ شەمبییێ، 10-02-2024 ێ، دەستەیا سەربەخۆ یا مافێ مرۆڤی ل هەرێما کوردستانێ، پەیامهك دهربارەیی لێدوانێن وهلاتییهكا ئایینێ زەردەشتی بهلاڤکرییه کو “سفکاتی ب پیرۆزییێن ئایینێ ئیسلامێ” کرییە.
د وێ پەیامێدا هاتییە: وهلاتییهك خۆ وەک نوونەرێ ئایینێ زەردەشتییان ل کوردستانێ ناساندییە ب ناڤێ (ئاوات حسامەدین) د چاڤپێکەفتنهكێ دا ل گەل میدیایەكێ ئاخفتییه گۆتنێن نەباش بەرامبەر پیرۆزییێن ئایینێ ئیسلامێ ب كارئیناینه و ئەڤه ب سفکاتی دهێته هژمارتن و بهرۆڤاژی و قانوون و ڕێنماییێن بەرکارانه ل هەرێما کوردستانێ و ب ڤێ چهندێ دلگرانییهكا مهزن دناڤا وهلاتییێن هەرێما کوردستانێ کو پرانییا وان موسلمانن دروستکرییە”.
ههورهسا گۆتییه، ئەو ل دژی ئەوان جۆرە لێدوانانه یێن کو سفکاتییێ ب ئایینێن جۆدا دکەن، هەستێ وهلاتیییان بریندار دکەن، “ئەڤە پشكهکە ژ گۆتارێن نهڤییانێ و توندڕەوییێ دروست دكهن و ئهو ژ نێزیکڤه چاڤدێرییا وی بابەتی دکەن و دێ ل سەر هێلێ بن ل گەڵ لایەنێن پەیوەندیدار داخوازێ ژ سەرۆکاتییا داواکارێ گشتییێ هەرێما کوردستانێ دكهت ئەوێ کەیسێ بجولینن و ڕێکارێن یاسایی بەرامبەر ئەوێ کەسێ بگرنەبەر.
