ئاژانسا خانی:
كارۆخ خۆشناو” سه‌رۆكێ په‌یمانگه‌ها ڤه‌كۆلینێن ئه‌مریكی _ كوردی” بۆ ئاژانسا خانی” دیار كر: وه‌كو دیار ئەمریکا ب ساناهی ژ عێراقێ و ڤێ ده‌ڤه‌رێ ده‌رناكه‌ڤیت، چونکی ئەمریکا رێككه‌فتنه‌كا ستراتیژی ل گەل عێراقێ هه‌یه، هەروەسا هزرمەند و ره‌وشه‌نبیرێن شیعی دزانن” كو ڤه‌كێشانا هێزێن ئەمریکی، دێ عێراق بەرەف تۆنێله‌كا تاریڤه چیت”
د هه‌مان ده‌مدا ئێک ژ بەندێن وێ رێککەفتنێ ئەوە” هەر لایەنه‌كێ ژ وان بڤێت وێ رێککەفتنێ هەلوەشینیت، دڤێت شەش هه‌یڤان به‌ری هنگێ ئێكودو ئاگه‌هدار بكه‌ن، پاشی دڤێت میکانزمه‌كێ بدانن و لدووڤدا وێ رێككه‌فتنێ ب چه‌ندین قووناغان هه‌لوه‌شینن.
ناڤهاتی گۆت ژی: نوكه محەمەد شیاع سوودانی سه‌رۆكوه‌زیرێن عیراقێ ل ژێر فشاره‌كا مه‌زن دایە، ئەو لایەنێن داخوازا ده‌ركه‌فتنا هێزێن هه‌ڤپەیمانان دکەن د چارچۆڤه‌كێ سۆزدارییێ دایە، چونکی ل سالا 2020 ێ ژی ده‌مێ قاسم سوله‌یمانی و ئەبو مەهدی موهەندیس ل فڕۆکخانا بەغدا هاتینه کوشتن، دو رۆژان پشتی هنگێ هێزێن شیعی داخوازییه‌كا ژ ڤی ره‌نگی ژ پەرلەمانی كر كو هێزێن ئه‌مریكا ژ عیراقێ ده‌ركه‌ڤن” به‌لێ چ لدووڤدا نه‌هات” هه‌روه‌سا نوكه هێزێن ئەمریکا ل سەر داخوازا عێراقێ ماینە، چونکی هزرمەند و ره‌وشه‌نبیرێن شیعی دزانن ڤه‌کێشانا هێزێن ئەمریکا، دێ عێراقێ بەرەف تونێله‌كا تاریڤه به‌ت.
كارۆخی گۆت ژی: ئیدارا جۆ بایدنی” سه‌رۆكێ ئه‌مریكا یا به‌رهه‌ڤنینە خۆ ژ رۆژهەلاتا ناڤیت ڤه‌كێشیت، چونکی نوكه ئه‌و بخۆ ل ژێر فشاران دایە، بایدنی نه‌ڤێت ب چ ره‌نگان هێزێن ئه‌مریكا ژ ڤی ده‌ڤه‌رێ ڤه‌كێشیت” هه‌كه هێزێن ئەمریکا نەمیننه ل ڤێ ده‌ڤه‌رێ ئەگەره‌كێ زۆر هه‌یە تیرۆر سەرهەلبده‌ته‌ڤه.
