حەسەن ئەحمەد: گۆپیتكا جیهانی یا حکومەتان دەلیڤه‌کە بۆ ناساندنا هەرێما کوردستانێ بۆ جیهانێ

ئاژانسا خانی:

شارەزایەکێ پەیوەندییێن نێڤدەولەتی دیار كر، گۆپیتكا جیهانییا حکومەتان ل ئیماراتێ، دەلیڤه‌کە بۆ ناساندنا هەرێما کوردستانێ بۆ جیهانێ، هه‌روه‌سا مەسرور بارزانی سەرۆکوەزیران شه‌رێ مانا هەرێما کوردستانێ دكه‌ت و د هه‌مان ده‌مدا” پشكدارییا شاندێ حکومەتا هەرێما کوردستانێ د زی گۆپیتكا جیهانی دا گه‌له‌ك گرنگییا خۆ هه‌یه‌” هه‌روه‌سا نوكه‌ حكومه‌تێن جیهانی ل ژێر به‌رپرسیاره‌تییه‌كا مه‌زن دانه‌” د نوكه دا‌ یا گرنگه‌ حكومه‌تا هه‌رێما كوردستانێ ژوورا قه‌یرانان هه‌بیت” ژ پێخه‌مه‌ت بشێت ل ده‌مێ روودانان خزمه‌تگوزارییان بگه‌هینیته‌ خه‌لكێ.

حەسەن ئەحمەد مستەفا ” زێده‌تر بۆ ئاژانسا خانی دبێژیت: د ده‌مێ چەند سالێن بوری دا هەرێما کوردستانێ گه‌له‌ك قەیرانێن ئابووری و سیاسی ده‌رباز كرینه‌، وه‌كو شەرێ داعشێ، داكه‌فتنا بهایێ نەفتێ، برینا بودجه‌یێ هه‌رێما كوردستانێ ژ لایێ عێراقێ ڤه‌، کۆرۆنا، هاتنا ئاواران و چەندین قەیرانێن دیتر، هه‌كه‌ هەر حکومەته‌كا دیتربا ل جهێ حکومەتا هەرێما کوردستانێ، نەدشییا هه‌تاكو خۆ لسه‌ر پیێن خۆ بگریت.

ناڤهاتی گۆت ژی: نوكه‌ مه‌سرور بارزانی سەرۆکوەزیرێن هه‌رێما كوردستانێ شه‌رێ مانا هه‌رێما كوردستانی دكه‌ت” د گۆپیتكا جیهانییا حكومه‌تان دا ل دوبەیی” ئه‌ڤرۆ دوشه‌مبی مەسرور بارزانی، سەرۆکێ حکومەتا هەرێما کوردستانێ گۆتاره‌ك پێشكێشكر و گۆتاره‌كا هه‌مه‌ لایه‌نه‌بوو” د هه‌مان ده‌مدا هه‌لویستێن نه‌ته‌وایه‌تی دیاركرن و به‌حسێ بابه‌تێن نه‌ته‌وه‌یی و مافێ چاره‌نڤیسێ خۆ كر” كو هه‌ڤپه‌یمانێن مه‌ ژی دانپێدان ب وێ چه‌ندێ كرییه‌” ئه‌و گۆپیتكه‌ بۆ كارێ حكومه‌تا هه‌رێمێ گه‌له‌ك گرنگییا خۆ هه‌یه‌” دیسان نوكه‌ هژمارا خه‌لكێ زێده‌بوویه‌ و دیسان ئه‌وا خێزانه‌كێ ل سالێن هه‌شتییان ل سه‌دێ بوری پێ د قه‌تاند” نوكه‌ كه‌سه‌ك پێ ناژیت ژ لایێ په‌یداكرنا خوارنێ و پێدڤییێن ژیانێ” له‌وما پێدڤیین هه‌ر خێزانه‌كا نوكه‌ چه‌ندین جاران هندی یا خێزانا به‌ری نوكه‌یه‌”

نوكه‌ خه‌لك كێمتر ژ كه‌رتێ گشتی رازی دبن و ئه‌ڤ چه‌نده‌ ل هه‌موو جیهانێ هه‌یه‌” خه‌لكێ پتر تشت دڤێن” له‌وما گه‌له‌ك یا گرنگه‌ حكومه‌تێن نوكه‌ پێداچوونێ د كارێ خۆدا بكه‌ن” چونكی‌ نوكه‌ ل جیهانێ چه‌ندین قه‌یران هه‌نه‌” دیسان ژیان هاتییه‌ گوهۆرین و ژینگه‌هـ و سه‌قا ژی پیس بووینه‌.

هه‌روه‌سا تەوەرێن سەرەکی یێن گۆپیتكا جیهانی یا حکومەتان دانوستاندنه‌ دەربارەیی پاشه‌رۆژا ئابوورییا جیهانی، پیشەسازی، ژێرییا دەستکرد، سیستەمێ بانکی و گوهۆرینێن سه‌قایی.