ئاژانسا خانی:
ئەندامه‌كێ په‌رله‌مانێ عێراقێ ژ فراكسیۆنا پارتی دیموكراتی كوردستان دیار كر: وەزارەتا کۆچ و کۆچبەرێن عێراقێ شكه‌ستن د خزمەتکرنا ئاواران دا ئینایە و چ پلان بۆ ڤه‌گەراندنا ئاواران نینن” هه‌روه‌سا وێ وەزارەتێ هه‌یامه‌كێ كه‌لوپه‌لێن ب سه‌رڤه‌چوویی ل سه‌ر خه‌لكێ دناڤا کەمپێن ئاواران دا دابەش كرینه.
مەحما خەلیل، زێده‌تر بۆ ئاژانسا خانی دبێژیت: وەزیرا کۆچ و کۆچبەران شكه‌ستن د ئەرکێ خۆ دا ئینایه و چ پلان و بەرنامە بۆ ڤه‌گەراندنا ئاواران نینن، هه‌روه‌سا هه‌تا نوكه ئه‌و ئاوارێن چووینه دەرڤه‌یی وه‌لاتی یان ژی ئه‌وێن ژ دەرڤه‌یی کەمپان دژین ب چ ره‌نگان نه‌هاتینه قەرەبووکرن، د ده‌مه‌كی دا 180 ملیار دینار ل ژێر دەستێ وێ وەزارەتێ دابوون” هه‌روه‌سا مه داخواز كرییه كو وه‌زراه‌تا كوچ و كچبه‌ران بهێته هه‌لوه‌شاندن و ئه‌و وه‌زیره بۆ په‌رله‌مانی بهێته گازیكرن” چونكی وێ وه‌زاره‌تێ گه‌نده‌لی ژی كرینه و دیسان مه داخواز كرییه” كو ده‌سته‌یه‌كا نوو بۆ كوچ و كۆچبه‌ران بهێته دانان.
