ڕه‌حمان خانى ڕێڤه‌به‌رێ گشتییێ ڕێڤه‌به‌رییا به‌نداڤان ل كوردستانێ ڕاگه‌هاند، ژ ئه‌گه‌رێ پێلێن بارانبارینێ ل ڤى وه‌رزى، ڕێژه‌یا كۆگه‌هكرنا ئاڤێ ل به‌نداڤێن هه‌رێما كوردستانێ هه‌تا نوكه گه‌هشتییه زێده‌تر ژ چار ملیار میترێن سێجا.
هه‌روه‌سا گوت: هه‌رێما كوردستانێ 23 به‌نداڤ هه‌نه، ئه‌وژى به‌نداڤێن دوكان، ده‌ربه‌ندیخان و دهۆك، هه‌روه‌سا 20 به‌نداڤێن بچووك ژى هه‌نه كو هه‌ر ئێك ژ وان شیانێن كۆمكرنا 500 هزار میترێن سێجا بۆ پێنج ملیۆن میترێن سێجا یێن ئاڤێ هه‌نه.
گوت ژى: كۆمكرنا ئاڤێ ل به‌نداڤا به‌ستۆره گه‌هشتییه نێزیكى دوو ملیۆن میترێن سێجا، ل به‌نداڤا گۆمه‌سپان ژى كو سێیه‌م مه‌زنترین به‌نداڤه ل هه‌رێما كوردستانێ، گه‌هشتییه چار ملیۆن میترێن سێجا.
ئاماژه ب هندێ ژى دا، هه‌تا نوكه كۆمكرنا ئاڤێ ل هه‌رێما كوردستانێ گه‌هشتییه چار ملیار و 250 ملیۆن میترێن سێجا، هه‌رسال وه‌رزێ كۆگه‌هكرنا ئاڤێ ل هه‌یڤا ئه‌یلوولێ ده‌ستپێدكه‌ت و ل هه‌یڤا گۆلانا سالا دووڤدا ب دووماهى دهێت.
