دادگەها بلندا فیدرالییا عێراقێ ب بڕیاره‌كێ کۆمیسیۆنا بلندا سەربەخۆیا هەڵبژارتنان نه‌چار کر بۆ هەڵبژارتنێن بهێن یێن پەرلەمانێ عێراقێ هووربینییێ د تۆمارا دەنگدەرێن کەرکووکێ دا بکه‌ت.
ئەوێ دادگەهێ ل 19 ى شواتا 2024 ێ” گه‌نگه‌شه ل سه‌ر سکاڵایەكێ کر، كو ژ لایێ حەسەن تۆرهان، سەرۆکێ بەرەىێ تورکمانى ل دژى کۆمیسیۆنا بلندا سەربەخۆىا هەڵبژارتنێن عێراقێ هاتبوو تۆمارکرن، تێدا داخواز كربوو” کۆمیسیۆنێ نه‌چار بکه‌ت كو هووربینییێ د تۆمارا دەنگدەرێن کەرکووکێ دا بکه‌ت.
دادگەها بلندا فیدرالییا بڕیاردا” كو کۆمیسیۆنێ نه‌چار بکه‌ت بۆ هەڵبژارتنێن بهێن یێن پەرلەمانێ عێراقێ هووربینییێ د تۆمارا دەنگدەران دا بکه‌ت، ب پشتبەستن ب مادێ 13 ێ یێ یاسایا هەمواركرنا سێیێ یێ هەڵبژارتنێن جڤاتا نوونەران و جڤاتێن پارێزگه‌ها و قەزایان.
