سریلانکا 20 ملیۆن دۆلارێن قەرێن نەفتا ئیرانێ دێ ب چایێ ده‌ت

سریلانکا، رووبروو قەیرانه‌كا مه‌زنا ئابووری بوویە، وی وه‌لاتی ب بهایێ 20 ملیۆن دۆلاران، چا هنارتییه‌ ئیرانێ، ئەڤه‌ د چارچۆڤێ دانا 251 ملیۆن دۆلارێن قەرێن کڕینا نەفتا ئیرانێ بوویه‌.

ئه‌ڤرۆ” حسێن ئەمیر عەبدوللاهیان، وەزیرێ دەرڤه‌ یێ ئیرانێ سەره‌دانا کۆلۆمبۆ یا پایتەختێ سریلانکا کر و ل گەل بەرپرسێن بلندێن وی وه‌لاتی كۆمبوویه‌.

دانیش گوانەواردنە، سەرۆکوەزیرێن سریلانکا، دیا كر: د چارچۆڤێ ئەوێ رێککەفتنا بازرگانی، هه‌تا نوكه‌ وان ب بهایێ 20 ملیۆن دۆلاران چا ڤرێكرییه‌ ئیرانێ”.

ل کانوونا ئێكێ یا سالا 2021 ێ، ئیران و سریلانکا ل سەر بەرنامەیێ چا بەرامبەر نەفتێ رێککەفتن، بەلێ ژبه‌ر قەیرانا ئابووریییا سریلانکا، بجهئینانا وی بەرنامەیی پاشکەفتییه‌.