ئه‌ندامه‌كێ جڤاتا نوونه‌رێن عیراقێ ڕاگه‌هاند، نوكه ئه‌و كار ل سه‌ر هندێ كه‌ن ب ڕێیا پرۆژه‌یه‌كى ئاڤێ ژ ڕووبارێ دیجله ڤه‌گۆهێزنه شنگالێ، هه‌روه‌سا مژوولى دانانا سندوقه‌كا هاریكارییانه بۆ ئاڤه‌دانكرنا شنگالێ.
مه‌حما خه‌لیل ئه‌ندامێ جڤاتا نوونه‌رێن عیراقێ بۆ ئاژانسا خانى ئاشكراكر، ئه‌و كار ل سه‌ر هندێ دكه‌ن ئاڤا ڕووبارێ دیجله بۆ ڤه‌خوارنێ ڤه‌گۆهێزنه شنگالێ، ل ده‌ستپێكێ بۆرییه‌كا ئاڤێ دێ ژ بادوسێ گه‌هیننه گوندێ گورمس، پاشان دێ ژ وێرێ به‌لاڤبیت و گه‌هیته ناحییا سنووێ و كۆمه‌لگێن وێ، هێله‌كا بۆرییێ دێ بۆ قه‌زا شنگالێ ژى هێته ڤه‌گۆهاستن.
