پهیڤدارێ دەستەیا وەبەرھێنانێ ل ھەرێما کوردستانێ دیار كر: رێکارێن دروستکرنا 20 هزار یەکەیێن ئاكنجیبوونێ تەمام بووینە و ب تنێ مایە بەرێ بنیاتی یێ وان پرۆژان بهێته دانان و بهری بنیاتی ب ئامادەبوونا مهسرور بارزانی سەرۆکێ حکومەتا ھەرێما کوردستانێ دێ هێته دانان، ههروهسا ئهگهرێ گیروكرنا وان شوقهیان بۆ هندێ ڤهدگهریت” مە بزاڤكرینه وان یەکەیان بێ پێشەکی و ب قستێن کێم بن” داكو نهبنه بارگرانی ل سەر وهلاتییان.
بەرگەشت ئاکرەیی، زێدهتر بۆ ئاژانسا خانی گۆت: پێنگاڤێن باش هاتینه هاڤێتن بۆ دروستکرنا وان 20 هزار یهكهیان ل ھەرێما کوردستانێ، نوكه ل گهل ئهوان وەبەرھێنەرێن ئهوان پرۆژان ئەنجام ددەن مژوولی هندێنه” ب رهنگهكێ باش ل گهل وان بگەهینە رێککەفتنێ” داكو ئهو قستە نەبنە بارگرانی ل سەر وهلاتییان و ب کێمترین قست و بێ پێشەکی بدهنه وهلاتییان.
ناڤهاتی گۆت ژی: ل ھەرێما کوردستانێ ئهرد بۆ وان پرۆژان هاتییه تەرخانکرن و بریارە د دهمهكێ نێزیک دا بهێته ئێکلایی كرن و دەست ب دروستکرنا وان بهێته كرن، ههروهسا ێکارێن ئیداری و قانوونی تەمام بووینە و نوكه ئهم ل گهل وەبەرھێنەران دانوستاندنان دكهین داكو ئهو یهكه ب کوالێتییەکا بلند و ب قستێن كێم بهێنه دروست كرن، دیسا ب تنێ یا مایی دەست ب دانانا بەرێ بنیاتی بهێته كرن و ل دهمێ دانانا بهرێ بنیاتی سەرۆکێ حکومەتا ههرێما كوردستانێ بخۆ دێ ئامادە بیت، ئەو پرۆژه د دهمهكێ نێزیک دا دێ هێنه بجهئینان.
