د. كاوه‌ عه‌بدولعه‌زیز: مەرجێ عیراقێ مەزاختنا مۆچانە ل سەر هژمارێن بانکێن عێراقێ و تایێن بانكێن وێ ل هه‌رێمێ نینن

ئاژانسا خانی:

د. كاوه‌ عه‌بدولعه‌زیز” ئابووریناس و مامۆستایێ زانكۆیێ بۆ ئاژانسا خانی دیار كر: حکومەتا عیراقێ زۆر ب زانایی و ب هووری” ئانکو ب دەرزیکێ یا بن پێیێن حکومەتا هەرێمێ دکولیت و دبيت فەرمانبەر ڤێ هەیڤێ مووچەیی وەرگرن وهەیڤا بهێت وه‌رنه‌گرن” چونكی گه‌له‌ك یا ب زەحمەتە د دەمێ هەیڤەکێ دا هژمارێن بانکی بۆ مۆچەخۆرێن هەرێمێ بهێنە دروستکرن و هه‌كه‌ هوسا بیت، ب تنێ دێ فه‌رمانبه‌رێن هه‌رێمێ مۆچێ هەیڤا دو وەرگرن و مۆچێن هه‌یڤا سێ ناهێنە مەزاختن.

ناڤهاتی گۆت ژی: تایێن بانکێن رەشید و رافیدەین ل هەرێمێ نینن” مەرجێ عیراقێ مەزاختنا مۆچانە ل سەر هژمارێن بانکێن فیدرالی” یان دڤێت هەردو بانک تایێن خۆ ل هەرێمێ ڤەکەن” یان بانکێن هەرێمێ بهێنه‌ راسپاردن بۆ ڤەکرنا هژمارێن بانکی ب هەماهەنگی لگەل یێن فیدرالی”دیسان دڤێت حکومەتا هەرێمێ یا هشیار بیت ل قووناغا بهێت” عیراق دێ لیستێن مۆچان راسته‌وخۆ ژ پارێزگەهان وەرگریت و هوسا دێ دەرزەکا دی ل قەوارێ هەرێمێ کەڤیت و مەترسی دێ زێدەتر بیت.

د. كاوه‌ دبێژیت ژی: لدووڤ بریارا دادگەها فیدرالی دڤێت مۆچوخۆرێن هەرێما كوردستانێ وه‌كو یێن عیراقێ بن، له‌وما باشتره‌ حکومەتا هەرێمێ لیستا مۆچان ب راستڤەکری و بلندکرنا مۆچان وەکی یێن عیراقێ رەوانە بکەت”  دیسان باشترە پلە بلندكرنا فەرمانبەران ژ ڤێ هه‌یڤێ دەست پێبکەت” چونکی ئەرکێ مەزاختنا مۆچان بوویە ئەرکێ حکۆمەتا فیدرلی” لدووڤ بریارا دادگەها فیدرالی” هه‌روه‌سا نه‌دبوو پەرلەمانتارێن کورد یێن د وێ د کۆمبوونێ دا رازی ببان” هەکە فەرمانبەرێن هەرێمێ ژ هه‌یڤا ئادارێ هژمارێن بانکی یێن فیدرالی نەبن مووچە نەهێتە مەزاختن” ژبەرکو دشیان دانینە بهێنە دروستکرن و دروستنەکرنا هژمارا بانکی” یا فیدرالی ئەرکێ حکومەتا فیدرال و وەزارەتا داراییا عیراقێیە.