ئالان حه‌مه‌ سه‌عید: رێککەفتنناما 11 ی ئادارێ چەندین دەستکەفتێن سیاسی و ئابووری بۆ کوردستانێ بده‌ستڤه‌ئینان

وەزیرێ پەروەردێ یێ حکومەتا هەرێما کوردستانێ ده‌رباره‌یی رێککەفتنناما 11 ی ئادارێ دبێژیت، ئەو رێککەفتننامە دەربرینێ ژ هندێ دكه‌ت”‌ كو پەروەردە و زمانێ دایکێ پانتاییەکا مه‌زن د هزرا بارزانییێ نەمر دا هەبوویە.

ئالان حەمە سەعید دبێژیت ژی، هەر چەندە حکومەتا وی ده‌می یا عێراقێ پاشەکشە ژ بجهئینانا رێککەفتنا 11 ی ئادارێ کر، ل گه‌ل هندێ بارزانییێ نەمر شییا چەندین دەستکەفتێن سیاسی، ئابووری، یاسایی، تەشریعی و کارگێڕی بۆ کوردستان بده‌سڤه‌بینیت، دناڤا وان دا دا مافێ خواندنێ ب زمانێ دایکێ.

ل ‌سالا 1970 ێ، به‌یانناما ناڤدار یا 11 ى ئادارێ هاته‌ به‌لاڤكرن و ئیمزا كرن”، دناڤبه‌را سه‌ركردایه‌تییا سیاسییا كورد “مسته‌فا بارزانى” و حكومه‌تا وی ده‌می یا عێراقێ، لدووڤ وێ رێككه‌فتننامێ، حوكمێ زاتی و خۆبرێڤه‌برنێ ب‌ كوردان هاته‌ دان د چارچوڤێ هه‌رسێ پارێزگه‌هێن سلێمانى و هه‌ولێر و دهۆك، ‌بێی ده‌ڤه‌رێن كوردستانی یێن ده‌رڤه‌یى ئیدارا هه‌رێمێ” پشتی ده‌مه‌كێ ئه‌و رێككه‌فتنه‌ تێكچوو، ژ ئه‌گه‌رێ پابه‌ندنه‌بوونا عێراقێ ب وێ رێككه‌فتنێ‌.