سه‌رۆكێ حكومه‌تا هه‌رێما كوردستانێ دپه‌یامه‌كێدا ڕاگه‌هاند، خه‌لكێ كوردستانێ چ جاران ڕێ ناده‌ت، مافێن وێ بهێنه بنپێكرن و زۆرى لێ بهێته‌كرن و عیراق ڤه‌گه‌ریته سه‌رده‌مێ دیكتاتۆرى و تاكره‌وییێ.
مه‌سرور بارزانى سه‌رۆكێ حكومه‌تا هه‌رێما كوردستانێ په‌یامه‌ك ب هه‌لكه‌ڤتا 54 سالییا ڕێككه‌ڤتنا 11ى ئادارێ به‌لاڤكر و دپشكه‌كا په‌یاما خوه‌دا دیاركر، ئه‌و دووپاتییێ ل پێدڤى و گرنگییا پاراستن و ڕێزگرتنێ ل مافێن ده‌ستوورییێن گه‌لێ كوردستانێ و قه‌واره‌ییێ ده‌ستوورییێ هه‌رێما كوردستانێ دكه‌ن.
