ئیداره جۆ بایدن سه‌رۆكێ ئه‌مریكا د پرۆژه‌یێ بودجه‌یا 2025ێ یا وه‌زاره‌تا به‌رگرییا وه‌لاتێ خوه‌دا، داخوازا 528 ملیۆن و 699 هزار دۆلاران بۆ هێزێن ئه‌منییێن هه‌رێما كوردستانێ، عیراقێ و سووریا ژ كۆنگرێسى كر، ژ وى پاره‌ى ژى دێ زێده‌ترى 380 ملیۆن دۆلاران بۆ پێشمه‌رگه‌ى و له‌شكه‌رێ عیراقێ بن.
ئه‌مریكا دێ ب 380ێ ملیۆن و 758 هزار دۆلاران، هاریكارییا هێزێن پێشمه‌رگه‌ى، هێزێن ئه‌منییێن عیراقێ كه‌ت، هه‌روه‌سا 147 ملیۆن و 941 هزار دۆلار ژى دێ بۆ هێزێن سووریا یا دیموكرات بن، ئه‌و هاریكارییه تایبه‌تن ب ڕاهێنان و پرچه‌ككرنا ئه‌وان هێزان یێن ڕووبڕوو داعشێ بووین.
پرۆژه بودجه دێ ڕه‌وانه‌ى كۆنگرێسێ ئه‌مریكا هێته كرن، پشتى پێداچوونێ ژلایێ لژنه‌یێن په‌یوه‌ندیدارڤه و په‌سه‌ندكرنا وى ژلایێ هه‌ردوو جڤاتێن نوونه‌ران و پیرێن ئه‌مریكاڤه، دێ ڤه‌گه‌ریته كۆچكا سپى و ب ئیمزایا جۆ بایدنى بیته قانوون و ل سالا بهێت هێته بجهئینان.
