د. فازل نەبی: پێدڤییە عێراق هه‌یڤانە‌ مووچه‌یێ فەرمانبەرێن هه‌رێمێ رەوانە بکه‌ت

ئاژانسا خانی:

بریکارێ به‌رێ یێ وەزارەتا داراییا عێراقێ دیار كر: پێدڤییە عێراق هه‌یڤانە و بێ ئاریشه‌ مووچه‌یێ فەرمانبەرێن هه‌رێمێ رەوانە بکه‌ت.

د. فازل نەبی، زێده‌تر بۆ ئاژانسا خانی گۆت: ژمێژه‌ حكومه‌تا عیراقێ پلان دانایه‌ داكو ھەرێما کوردستانێ لاواز بکەت، ئەوا نوكه‌ د بابەتێ مووچەیی دا ھەیی پشكه‌کە ژ وێ پلانێ” هه‌روه‌سا مووچێ هه‌یڤا شواتێ یێ فەرمانبەران ب چ ره‌نگان پێدڤی ب لیستا مووچەیی نەدکر.

ناڤهاتی گۆت ژی: دادگه‌ها بلندا فیدرالی ل گەل وەزارەتا داراییا عیراقێ ڕێککەفتینه‌” هه‌كه‌ هه‌یڤا ئادارێ مووچە ل بانکێن حکومییێن عێراقێ نه‌هێنه‌ بنه‌جهكرن” دێ ئاریشا دروست کەن و مووچه‌یی ناهنێرن، ئەڤ كاره‌ ژی یێ ب زه‌حمه‌ته‌ ب كێمی شەش هه‌یڤ پێدڤینه‌، له‌وما ئەوا ھەیی ب تنێ دروستکرنا ئاریشانه‌ بۆ ھەرێما کوردستانێ.

د. فازل دبێژیت ژی: پێدڤییە لایەنێن ھەرێما کوردستانێ ب ئێک دەنگ بەرامبەر بڕیارێن ل دژی ھەرێما کوردستانێ دهێنه‌ دان راوه‌ستن و دڤێت حكومه‌تا عیراقێ مووچەیێ فەرمانبەران ب ره‌نگه‌كێ باش رەوانە بکەت و ئێدی ئاریشان دروست نەکەت، نوكه‌ ھەرێما کوردستانێ پڕۆژێ ھەژماری من ھەیە، پڕۆژەكێ گه‌له‌ك گرنگە و د خزمەتا فەرمانبەران دایە و پێدڤی ناکه‌ت به‌هانه‌یان بۆ ھەرێما کوردستانێ دروست بكه‌ن.