ئاژانسا خانی:
رێڤه‌به‌رێ گشتییێ وەزارەتا بازرگانییا حکومەتا ھەرێما کوردستانێ دیار كر: هیشتا ئێكلا نه‌بوویه كانێ ئه‌ڤ ساله حكومه‌تا عێراقێ دێ چەند ھزار ته‌نێن گه‌نمی یێن جۆتیارێن ھەرێما کوردستانێ وەرگریت؟، ئه‌م یێ هه‌موو بزاڤان دكه‌ین داكو هه‌موو گەنمێ جۆتیارێن هه‌رێمێ بهێته وەرگرتن.
نەوزاد شێخ کامل، زێده‌تر بۆ ئاژانسا خانی گۆت: حکومەتا عێراقێ بۆ ئەڤ ساله ژی بهایێ وەرگرتنا گەنمی ژ جۆتیاران دیار کرییە، كو بۆ ھەر ته‌نه‌كا گەنمی دێ 850 ھزار دیناران ژ جۆتیاران هێته وەرگرتن، بەلێ بۆ ھەرێما کوردستانێ هه‌تا نوكه نه‌هاتییه دیارکرن” كادێ ئه‌ڤ ساله چەند ھزار ته‌نان وەرگرن؟، ئه‌ڤ چه‌نده دێ لدووڤ رێککەفتنێ بیت” دیسان وەزارەتا چاندنا حکومەتا ھەرێما کوردستانێ ل گەل ھەردو وەزارەتێن بارزگانییا عێراقێ و وەزارەتا چاندنا عێراقێ دانوستاندنا دكه‌ن” داكو ئه‌ڤ ساله ھەموو گەنمێن جۆتیاران وەربگرن.
ناڤهاتی گۆت ژی: پار حكومه‌تا عێراقێ 500 ھزار ته‌نێن گەنمی ژ جۆتیارێن ھەرێما کوردستانێ وەرگرتبوون” ئه‌ڤ ساله ئه‌م دێ هه‌موو بزاڤان كه‌ین داكو بەغدا هه‌موو گەنمێ جۆتیارێن ھەرێما کوردستانێ وەربگریت.
