وه‌زاره‌تا خواندنا بلند و لێكۆلینێن زانستى یا هه‌رێما كوردستانێ ده‌لیڤه‌یێن خواندنا ماسته‌رێ ل وه‌لاتێ كۆریا باشوور راگه‌هاندن.
وه‌زاره‌تێ ئاگه‌هدارییه‌ك ئاراسته‌ى فه‌رمانبه‌ر و مامۆستایێن وه‌زاره‌تێ و سه‌رجه‌م دامه‌زراوه‌یێن حكومه‌تا هه‌رێمێ كریه كو ل وه‌لاتێ كۆریا باشوور د چارچووڤه‌یێ هه‌ماهه‌نگییا وه‌زاره‌تا پلاندانانێ و سه‌نته‌رێ لێكۆلینان یێ پێشڤه‌برنا نێڤده‌وله‌تى یێ كۆریا باشوور KDI Scholl دا ژماره‌یه‌كا كورسیێن خواندنا ماسته‌رێ د بوارێن (سیاسه‌تا گشتى، سیاسه‌تا پێشڤه‌برنێ، رێڤه‌برنا گشتى، مولكدارییا هزرى و سیاسه‌تا گه‌شه‌پێدانێ) دا ل زانكۆیێن وه‌لاتێ كۆریا باشوور هاتینه ته‌رخانكرن.
دیار ژى كریه؛ هه‌ر كه‌سێ مه‌رج ل ده‌ف هه‌بن دشێت ب رێكا ڤى لینكى داخوازیێ پێشكێش بكه‌ت:
https://kdischool.ac.kr/menu.es?mid=a40202000000
مه‌رجێن خواندنا ماسته‌رێ:
– فه‌رمانبه‌ر یان مامۆستا بیت و ب كێماسى دو سالێن خزمه‌تێ پشتى دویماهیك باوه‌رنامه هه‌بیت.
– كۆنمره‌یا به‌كالۆریۆسێ ژ 65% كێمتر نه‌بیت.
– به‌كالۆریۆس و ماسته‌را داخوازكه‌رى د هه‌مان بوار دا بیت.
ئاشكرا ژى كریه؛ وه‌لاتێ كۆریا باشوور دێ پشته‌ڤانییا دارایى بۆ كاندیدێن سه‌ركه‌فتى كه‌ت.
دیار ژى كریه؛ پشتى وه‌رگرتنێ ل زه‌ماله‌یا خواندنێ، سه‌ره‌دانا ڤى لینكى بۆ ڤه‌كرنا فایلێ خواندنێ ل وه‌زاره‌تێ بكه‌ن:
https://scholarship.digital.gov.krd/#/login
