ساسان عەونی، وەزیرێ باژێرڤانی و گەشتوگوزارێ ل هەرێما کوردستانێ ئەڤرۆ ڕاگەهاند، مەسرور بارزانی، سەرۆكی حكومەتا هەرێما كوردستانێ فەرماندا ب دابینكرنا كۆژمەكێ پارەیی بۆ پڕۆژەیێ ماستەرپلانا باژێرێ هەلەبجە.
وەزیرێ باژێرڤانی و گەشتوگوزارێ دیاركر، سەرۆكێ حكومەتا هەرێما كوردستانێ د سەرەدانا خۆ دا بۆ پارێزگەها هەلەبجە فەرماندا كو پڕۆژەیێ ماستەرپلانا هەلەبجە ب جهبینیت.
ل دۆر گرنگییا پڕۆژەی، ساسان عەونی، دیاركر، ماستەرپلانا هەلەبجە ژ پڕۆژەیێن دەستپێكی یێن حكومەت و وەزارەتا باژێرڤانی و گەشتوگوزارێ دایە و پڕۆژەكێ بەرفرەهـ و سەرجەم سێكتەرێن گرنگ یێن باژێری ب خۆ ڤە دگریت و د داهاتیدا هەلەبجە دێ قوناغەكا نوی و و پێشكەفتی ب خۆڤە بینیت.
